الماتى وبلىسىنىڭ مەكتەپتەرىندە ءىت سىنىپ, coworking-ورتالىقتار مەن روبوت تەحنيكاسى كابينەتتەرى كوپتەپ اشىلىپ جاتقانىن ۇنەمى جازىپ كەلەمىز. جالپى, جەتىسۋ جەرىندە بالالارعا ارنالعان وسىنداي وقۋ ورتالىعىنىڭ سانى كوبەيىپ, الداعى 2 جىلدا 62 ءىت سىنىپ سىنىپ پەن روبوت تەحنيكاسىنا ارنالعان 19 كابينەت ىسكە قوسىلماق.
بۇل باعىتتاعى شارالار ورتالىقتان الىستا ورىن تەپكەن اۋىل مەكتەپتەرىندە جۇزەگە اسقانى قۋانتادى. مىسالعا, وتكەندە عانا كەگەن اۋدانىنداعى مەكتەپتە coworking-ورتالىق اشىلسا, ءدال سونداي جاڭا ۇلگىدەگى ءىت سىنىپ جاقىندا ىلە اۋدانىنىڭ نۇرعيسا تىلەنديەۆ اۋىلىنداعى №26 ورتا مەكتەپتە دە پايدالانۋعا بەرىلدى.
مەكتەپتەگى ەرەكشە ورىن رەتىندە بالالاردىڭ قىزىعۋشىلىعىن وياتقان سىنىپتا بالالار تسيفرلى تەحنولوگيا الەمىنە قادام باسىپ, روبوت قۇراستىرۋعا تالاپتانادى. ولار ءىت سىنىپتىڭ اشىلۋىنا كەلگەن قوناقتارعا وزدەرى قۇراستىرعان العاشقى روبوتتارىن دا كورسەتىپ ۇلگەردى.
– بۇگىندە قازىرگى زامانعى ءىت تەحنولوگيالاردى قولدانۋمەن قاتار باعدارلامالاۋ نەگىزدەرىن وقىتۋ مەكتەپتەردە كەڭىنەن ءجۇرىپ جاتىر. اسىرەسە, اۋىل مەكتەپتەرىنە بەتبۇرىس جاساپ جاتىرمىز. نۇرعيسا تىلەنديەۆ اۋىلىندا اشىلعان ءىت سىنىپتا وقۋشىلار روبوتوتەحنيكانى تەرەڭدەپ مەڭگەرىپ, قاراپايىم الگوريتمدەردى جاساۋ, باعدارلامالار مەن WEB-سايتتار, كومپيۋتەرلىك ويىندار, انيماتسيالار قۇرۋ داعدىلارىن ۇيرەنۋ ماقساتىندا تەگىن قوسىمشا ساباقتارعا قاتىسا الادى, – دەيدى ىلە اۋداندىق اۋداندىق ءبىلىم ءبولىمىنىڭ باسشىسى ءلاززات كاتكەەۆا.
قالماحانبەت مۇقامەتقالي,
«Egemen Qazaqstan»
الماتى وبلىسى