وبلىستىق پوليتسيا دەپارتامەنتى ۇيىمداسقان قىلمىسپەن كۇرەس باسقارماسىنىڭ قىزمەتكەرلەرى جەدەل ىزدەستىرۋ شارالارى بارىسىندا 1,5 كەلى گەروين جاسىرعان ەكى ادامدى ۇستادى.
پوليتسيا دەپارتامەنتى قىزمەتكەرلەرى بۇل قىلمىستىق توپتىڭ 2018 جىلى-اق كوزگە تۇسكەنىن ايتىپ وتىر.قوستاناي قالاسىنىڭ ىرگەسىندەگى كيەۆ پوسەلكەسىنەن ۇستالعان 47 جاستاعى ەر ادام مەن 35 جاستاعى ايەل ەسىرتكى زاتتارىن تىعىپ, زاڭسىز ساۋدالاپ كەلگەن. ەر ادام كوشەدەگى دارەتحانا ەدەنىنىڭ استىنا ەسىرتكىنى شەگەمەن بەكىتىپ, تىعىپ ۇستاعان. تابىلعان گەرويننىڭ سالماعى 1 كيلوگرامم 615 گرامم بولدى.
ونىڭ 35 جاستاعى سىبايلاس ايەلى ۇيىنە 13 گرامم تارتاتىن 81 گەروين تۇيىنشەگىن جاسىرعان. قازىر وسى ىستەر بويىنشا سوتقا دەيىنگى تەرگەۋ جۇمىستارى ءجۇرىپ جاتىر. زاڭسىز ەسىرتكى ساۋداسىمەن اينالىسقان سىبايلاستار ەندى قر قك 297-بابىنىڭ 3-ءبولىمى بويىنشا زاڭ الدىندا جاۋاپ بەرەتىن بولادى. بۇل باپ بويىنشا ولار 10 جىلدان 15 جىلعا دەيىن باس بوستاندىعىنان ايىرىلۋى مۇمكىن, مۇلكى تاركىلەنەدى.
ءنازيرا جارىمبەت,
Egemen Qazaqstan
قوستاناي