كرەملدە رەسەي مەن تۇركيا پرەزيدەنتتەرى كەزدەستى. بۇل تۋرالى ريا نوۆوستي اگەنتتىگى حابارلادى.
الدىمەن پرەزيدەنتتەر جەكە كەزدەستى, ودان كەيىن دەلەگاتسيا مۇشەلەرىمەن ءۇش ساعاتقا سوزىلعان كەلىسسوز ءوتتى. جيىن بارىسىندا سيريانىڭ كونستيتۋتسيالىق كوميتەتىنىڭ جۇمىستارى ءسوز بولدى.
مەملەكەت باسشىلارى ودان بولەك سيريا شيەلەنىسىن شەشۋ جولدارى, سيريادان اقش اسكەرىن شىعارۋ مەن ستراتەگيالىق سەرىكتەستىك جايىن تالقىلادى.
پۋتين ءوز سوزىندە جەنەۆانىڭ كونستيتۋتسيالىق كوميتەت قۇرۋعا كەلىسىم بەرمەگەنىن دە ايتىپ ءوتتى. «ولاردىڭ بۇل شەشىمىنە تاڭعالدىم. دەگەنمەن سابىرلىق تانىتۋدى ءجون كوردىم. ءبىزدىڭ ءسىم باتىستىق ارىپتەستەرمەن سەرىكتەستىك ورناتۋعا تىرىسادى» دەدى ۆلاديمير پۋتين.