العاشقى قىسقى ۇبت قورىتىن­دىلارى شىقتى

ونىڭ ايتۋىنشا, مەملەكەت باسشى­سى­­­نىڭ تاپسىرماسىنا سايكەس 2016 جىل­­­دان باستاپ جوعارى ءبىلىم الۋعا قول­جەتىم­دىلىكتى ارتتىرۋعا بايلانىس­تى جوس­پارلى جۇمىستار جۇرگىزىلۋدە. اتالعان جۇمىستاردىڭ ناتيجەسى وسى جىلدان باس­تاپ ۇبت-نى جىلىنا 4 رەت, ياعني قاڭتار, ناۋرىز, ماۋسىم جانە تامىز ايلارىندا تاپسىرۋ مۇمكىندىگى بولىپ وتىر. 

«قاڭتار, ناۋرىز جانە تامىز ايلارىندا وتكەن ۇبت-عا قاتىسۋ مەكتەپ ءبىتىرۋشى تۇلەكتىڭ جوعارى وقۋ ورنىندا تەك اقىلى بولىمگە تۇسۋىنە قۇقىق بەرەدى. ەگەر مەكتەپ ءبىتىرۋشى تۇلەك مەم­لەكەتتىك ءبىلىم گرانتىن العىسى كەلسە, مىندەتتى تۇردە ماۋسىم ايىندا وت­كىزىلەتىن ۇبت-عا قاتىسۋى كەرەك. ماۋسىم ايىندا تاپسىرعان ۇبت-نىڭ قورىتىندىسى بويىنشا ءبىلىم بەرۋ گرانتىن بەرۋ كونكۋرسىنا قاتىسا الادى. بۇل ءىس-شارالاردىڭ ۇيىمداستى­رىلۋىنا مەملەكەتتىك قارجى­دان بىردە-ءبىر تيىننىڭ جۇمسالماي­تىنىن ايتا كەتۋىمىز كەرەك», دەدى ر.الىمقۇلوۆ.

جالپى, ۇبت وتكىزۋ پۋنكتتەرىنىڭ سانى – 74, وتىنىشتەر سانى – 35 838 ادام, ونىڭ ىشىندە 25 615 ادام قازاق تىلىندە, 10 162 ادام ورىس تىلىندە, 61 ادام تەستىلەۋدى اعىلشىن تىلىندە تاپسىرۋعا ءوتىنىش بىلدىرگەن. قاتىسۋشىلار ساناتى بويىنشا 29 789 ادام – 11-سىنىپ وقۋشىلارى, 3 268 ادام – شارتتى تۇردە تۇسكەندەر, 2 781 ادام – شىعارماشىلىق ماماندىقتارىنان باسقا ماماندىقتارعا اۋىسۋشىلار. قىسقى تەستىلەۋگە 34 687 ادام قاتىس­قان. مۇمكىندىگى شەكتەۋلى جاندار – 9. ۇبت-نىڭ شەكتى دەڭگەيىنەن وتكەندەر – 24 012 ادام (69%), شەكتى دەڭگەيدەن وتە الماعاندار – 10 675 ادام (31%). 

ال بەيىندى پاندەر كومبيناتسياسى بويىنشا «ماتەماتيكا-فيزيكانى» 

8 430 (28,8%), «حيميا-بيولوگيانى» – 5 839 (19,9%) ءتۇسۋشى تاڭداعان. 

ۇبت تەستىلەرىنىڭ مازمۇنىنا قاتىس­­تى رەسپۋبليكالىق اپەللياتسيا كوميس­سيا­­­سىنا 8 ءوتىنىش كەلىپ تۇسكەن, ونىڭ 3-ءى قانا­­عات­­تاندىرىلعان. وتكەن جىلى تەست تاپ­­سىر­­مالارىنىڭ مازمۇنى بويىنشا 243 ءوتىنىش تۇسكەنىن, ونىڭ ىشىندە 101-ءى قانا­­عات­تاندىرىلعانىن اتاپ ءوتۋ كەرەك.

راۋان قايدار,

«Egemen Qazaqstan»