اعىمداعى جىلعى 23 قاڭتاردا استانادا قازاقستانداعى جاستار جىلىنىڭ رەسمي اشىلۋى وتەدى. ءبۇل ىس-شارا ەلىمىزدە مەملەكەتتىك جاستار ساياساتىن جان-جاقتى قولداۋ مەن جۇزەگە اسىرۋعا باعىتتالعان اۋقىمدى ءىس-قيمىل جوسپارىن ىسكە اسىرۋعا باستاۋ بولماق.
ءىس-شارا ءۇشىن ارنايى «جاستار جىلىنىڭ» لوگوتيپى ازىرلەندى, وندا جىل سايىنعى كوشى-قون كەزىندەگى تىرنالاردىڭ ۇشۋى كورسەتىلگەن. ۇشۋدىڭ بۇل ءتاسىلى - ۇلكەن قۇستارعا ەنەرگيانى كوپ قاجەت ەتەتىن قاشىقتىقتى ەڭسەرۋگە مۇمكىندىك بەرەدى. ۇشۋ بارىسىندا ءاربىر قۇستىڭ قاناتىنىڭ سوڭىندا اۋە كەپتەلىسى پايدا بولادى, وسىنىڭ ارقاسىندا قۇستار جيناقىلانىپ, بىرلەسكەن قيمىلدىڭ ارقاسىندا قوسىمشا كوتەرىلۋ كۇشىنە يە بولادى.
بىرلەسكەن تابىستى ۇشۋدىڭ نەگىزگى ەرەجەسى – توپ پەن بارلىق ەڭبەكتىڭ ناتيجەسىن قاتاماسىز ەتەتىن ادال قارىم-قاتىناستار.
بۇل باستاما - جاستاردىڭ ءوزارا ءىس-قيمىلىن كورسەتۋدىڭ ەڭ جاقسى ءتاسىلى. تىرنالار ماڭگىلىك جاستىق, باقىت پەن ساتتىلىكتى بەينەلەيدى. جاستار ساياساتىنداعى نەگىزگى جەتىستىكتەرگە بىرلەسكەن كۇش-جىگەرلەر, تاجىريبە الماسۋ جانە جاستاردىڭ ءبىلىمى ارقىلى قول جەتكىزىلدى.
اۆتورلار لوگوتيپتىڭ تۇستىك گامماسىنا ەرەكشە كوڭىل بولگەن. مىسالعا, سارى ءتۇس - ءپوزيتيۆتى ەنەرگەتيكانى, مەرەكەنى, كۇننىڭ نۇرىن, كوگىلدىر ءتۇس - كەڭشىلدىكتى, شىعارماشىلىق الەۋەت پەن دوستىق قارىم-قاتىناستى بىلدىرەدى. كوك ءتۇس - رۋحاني تازالىق مەن كەمەلدىكتى, قىزعىلت-سارى ءتۇس – تۇراقتىلىقتىڭ, قۋانىشتىڭ, دوستىق قارىم-قاتىناستىڭ سيمۆولى سانالادى.