سوڭعى ءتورت كۇن ىشىندە, ياعني 18 مەن 21 قاڭتار ارالىعىندا اۋا رايىنىڭ كۇرت بۇزىلۋى جاعدايىندا شىعىس ءوڭىرىنىڭ بارلىق ستانسالارىندا ارنايى تەحنيكالاردى پايدالانا وتىرىپ, تۇسكەن قالىن قاردان جولداردى تازارتۋ جۇمىستارى تاۋلىك بويى جۇرگىزىلدى. بۇل تۋرالى «قازاقستان تەمىر جولى» ۇك» اق ءباسپاسوز قىزمەتى حابارلادى.
جۇمىسقا شامامەن 300 تەمىرجولشى تارتىلدى. ستانسالاردا جول شارۋاشىلىعى قىزمەتكەرلەرى, قار بۇرقاسىنى كەزىندە باعىتتامالى بۇرمالاردىڭ جاعدايىنا جاۋاپتىلار تاۋلىك بويى كەزەكشىلىك ەتتى.
قار تازارتۋ جۇمىستارىنا 44 دانا قار تازالاۋ جانە قار ارشۋ تەحنيكالارى جۇمىلدىرىلسا, بۇل رەتتە 2,5 مىڭ شاقىرىم جول قاردان ارشىلىپ, 10 000 تەكشە مەتر قار شىعارىلدى.
جول ديستانتسياسى قىزمەتكەرلەرىنىڭ كۇش-جىگەرى ارقاسىندا پويىزدار قوزعالىسىنىڭ كەستەسى بۇزىلعان جوق. اۋا رايىنىڭ كۇردەلى جاعدايى مەن قاردىڭ ۇيىتقۋى مۇمكىندىگى ەسكەرىلىپ, پويىزداردى قاۋىپسىز جانە ۇزدىكسىز وتكىزۋدى قامتاماسىز ەتۋ ءۇشىن كۇن سايىن ناقتى شارالار قابىلدانۋدا.