قىزىلوردا قىزاناعى ەكسپورتتى ىعىستىرادى

جەكە كاسىپكەر «ناتيشاەۆانىڭ» قاراۋىلتوبە اۋىلىندا سالعان ءبىر گەكتار جىلىجايىنان 65 توننا قيار, 23 توننا قىزاناق جينالعان.

ال, «اقبوتا-باقداۋلەت» سەرىكتەستىگى ەكى ماۋسىمدا 1,5 توننا قيار, 1,7 توننا قىزاناقتى ساۋداعا شىعارىپتى.

بيىل قىزىلوردا قالاسىندا «قازاگرومير» جشس-ءنىڭ كولەمى 2 گەكتاردان اساتىن اۆتوماتتاندىرىلعان كەشەندى جىلىجاي جوباسى ىسكە قوسىلادى. «قازاگروقارجى» اق ارقىلى قارجىلاندىرىلعان جىلىجاي جاڭا تەحنولوگيا نەگىزىندە جۇمىس ىستەيدى. قازىرگى تاڭدا قۇرىلىس تولىق اياقتالىپ, سۋ جانە ەلەكتر جۇيەلەرىن ورناتۋ جۇمىستارى جۇرگىزىلۋدە. 1 ميلليارد تەڭگەدەن استام قارجىنى قۇراعان بۇل جوبا ارقىلى جىلىنا 900 توننا تومات وندىرىلەدى دەپ جوسپارلانىپ وتىر.

وبلىستىن اۋىلشارۋشىلىق باسقارماسى شارۋا قوجالىقتارىنىڭ باسقا اۋدانداردا دا جىلىجاي ىسىنە ۇلكەن ءمان بەرىپ وتىرعاندىعىن ايتادى. مۇنداي جاعدايدا قىتاي, وزبەكستان سياقتى شەت ەلدەردەن كەلەتىن كوكونىستەردىڭ كولەمى شەكتەلەتىندىگى ءسوزسىز.

باقتيار تايجان,

«ەگەمەن قازاقستان»

قىزىلوردا وبلىسى