باتىس قازاقستان وبلىسىندا 450 مەملەكەتتىك ورگان بار. ولاردا 4149 ادام قىزمەت اتقارىپ ءجۇر. ال 256 مەملەكەتتىك قىزمەتكەردىڭ ورنى بوس تۇر. بۇل جونىندە مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ بقو بويىنشا دەپارتامەنتى مەملەكەتتىك قىزمەت باسقارماسىنىڭ باسشىسى ۆەنەرا ماسيموۆا حابارلادى.
2018 جىلى وبلىستا مەملەكەتتىك ورگاندار 2065 بوس لاۋازىمعا بايقاۋ جاريالاعان. وسى كونكۋرستارعا 2170 ۇمىتكەر قاتىسىپ, ولاردىڭ ىشىنەن 1156-ءى جەڭىمپاز بولىپ شىعىپتى.
- كونكۋرستىڭ اشىقتىعى مەن ادىلدىگىن قامتاماسىز ەتۋ ءۇشىن وبلىستاعى بارلىق مەملەكەتتىك ورگانداردىڭ كونكۋرستىق كوميسسيالارىنا بايقاۋشىلار قاتىستىرىلدى, - دەيدى ۆەنەرا نۇراحمەتقىزى.
2018 جىلى وڭىردە اكىمشىلىك مەملەكەتتىك قىزمەتتىڭ «ب» كورپۋسىنا ءتۇسۋ ءۇشىن زاڭنامالاردى بىلۋگە ارنالعان سىناققا 2404 ادام قاتىسىپ, 57%-ى تەستىلەۋدەن وتە الماعان. ال قۇقىق قورعاۋ قىزمەتىنە ءتۇسۋشى 1743 ادامنىڭ 39,4% عانا تەست سىناعىنان سۇرىنبەپتى.
قازبەك قۇتتىمۇرات ۇلى,
«ەگەمەن قازاقستان»
باتىس قازاقستان