باتىس قازاقستان وبلىسىنىڭ پوليتسيا قىزمەتكەرلەرى وبلىس اۋماعىندا قىزىل بالىق پەن قارا ۋىلدىرىق ساتىپ, تاراتۋمەن اينالىسىپ كەلگەن ۇيىمداسقان قىلمىستىق توپتى ۇستادى.
بقو پوليتسيا دەپارتامەنتى ءباسپاسوز قىزمەتى بۇگىن تاراتقان اقپاراتقا قاراعاندا, وقيعا بۇدان ءبىر اي بۇرىن, 2018 جىلعى 11 جەلتوقساندا بولعان. سول كۇنى بقو پد ۇيىمداسقان قىلمىسپەن كۇرەس دەپارتامەنتى قىزمەتكەرلەرى ارنايى سانكتسيا بويىنشا شارا جۇرگىزىپ, 2 توننادان اسا قىزىل بالىق پەن 113 كەلى ۋىلدىرىق, باسقا دا زاتتاي ايعاقتاردى تاركىلەگەن.
ءدال قازىر تەرگەۋ ورىندارى قىلمىستىق كودەكستىڭ 339-بابى («وسiمدiكتەردىڭ نەمەسە جانۋارلاردىڭ سيرەك كەزدەسەتiن جانە قۇرىپ كەتۋ قاۋپi تونگەن, سونداي-اق پايدالانۋعا تىيىم سالىنعان تۇرلەرىمەن, ولاردىڭ بولىكتەرىمەن نەمەسە دەريۆاتتارىمەن زاڭسىز اينالىسۋ») جانە 262-بابى («ۇيىمداسقان توپ, قىلمىستىق ۇيىم قۇرۋ جانە ولارعا باسشىلىق ەتۋ, سول سياقتى ولارعا قاتىسۋ») بويىنشا قىلمىستىق ءىس كوتەرىپ, سوت الدى تەرگەۋ جۇمىستارىن جۇرگىزىپ جاتىر.
قازبەك قۇتتىمۇرات ۇلى,
«ەگەمەن قازاقستان»
باتىس قازاقستان