گرۋزيا استاناسى ءتبيليسيدىڭ سولتۇستىگىندەگى كوپ پاتەرلى ۇيلەردىڭ بىرىندە گاز جارىلىپ, ءتورت ادام كوز جۇمدى. پرەمەر-مينيستر مامۋكا باحتادزە 17 قاڭتاردى قارالى كۇن دەپ جاريالادى.
جارىلىستا كۇيىك شالعان ءتورت جاسار قىز اۋرۋحانادا جان تاپسىرعان.
پوليتسيا قۇرىلىس نەمەسە نىساندى پايدالانۋ كەزىندە قاۋىپسىزدىك ەرەجەلەرىنىڭ ەكى نە ودان دا كوپ ادامنىڭ ولىمىنە اكەپ سوقتىرعان بۇزىلۋى تۋرالى باپپەن قىلمىستىق ءىس قوزعاعان.
ەل پرەزيدەنتى سالومە زۋرابيشۆيلي جارىلىستان زارداپ شەككەندەرگە كومەك كورسەتىلىپ جاتقان اۋرۋحاناعا باردى. «قايتىس بولعانداردىڭ وتباسىلارىنا كوڭىل ايتامىن. بۇل اسا ۇلكەن اپات», - دەپ مالىمدەدى ول.
«بارلىق مەملەكەتتىك مەكەمەلەردە جانە ەلدىڭ شەتەلدەردەگى ديپلوماتيالىق وكىلدىكتەرىندە مەملەكەتتىك تۋ تومەن تۇسىرىلەدى». بۇل تۋرالى گرۋزيا ۇكىمەتىنىڭ ءباسپاسوز قىزمەتى حابارلادى.