ارىس قالاسىندا ۇيلەر پايدالانۋعا بەرىلدى

يگى ءىستى جۇزەگە اسىرعان قالا اكىمدىگى مەن تاپسىرىستى ورىنداۋشىلار ەل­باسى جولداۋىنداعى «جايلىلىق دەگەنى­مىز – ەڭ الدىمەن تۇرعىن ءۇيدىڭ قول­جەتىم­دىلىگى, اۋلانىڭ ادەمىلىگى مەن قاۋىپسىز­دىگى, تىرشىلىككە جانە جۇمىس ىستەۋگە قولاي­لى ەلدى مەكەننىڭ جانە ساپالى ينفرا­قۇرىلىمنىڭ بولۋى» دەگەن تاپسىرماسىن باسشىلىققا العاندارىن ايتۋدا.

«كوكتەمدە» تاعى دا 3 قاباتتى 3 تۇر­عىن ءۇي سالىنۋدا. سونداي-اق «نۇرلى جەر» تۇرعىن ءۇي باعدارلاماسى اياسىندا قالادا 60 پاتەرلى 5 قاباتتى تۇرعىن ءۇيدىڭ قۇرىلىسىن جۇرگىزۋ ءۇشىن جوبالىق-سمەتالىق قۇجاتتارى ازىرلەنىپ, ءتيىستى ورىندارعا سۇرانىس جولدانعان. ال 8 كوپقاباتتى تۇرعىن ۇيگە كۇردەلى جوندەۋ جۇمىسى جۇرگىزىلۋدە. بىلتىر 10 ايدا 2 ملرد 35 ملن تەڭگەگە 31972 شارشى مەتردى قۇرايتىن تۇرعىن ءۇي ەل يگىلىگىنە بەرىلگەن. ياعني, بۇل كورسەتكىش الدىڭعى جىلمەن سالىستىرعاندا 124 پايىز بولىپ وتىر. جالپى, ارىس قالاسىندا قۇرىلىس جۇمىستارىنىڭ كولەمى 4 ملرد 67 ملن تەڭگە بولىپ, ناقتى كولەم يندەكسى 95,8 پايىزدى قۇراعان. بۇل قارقىن الداعى ۋاقىتتا دا باسەڭدەمەك ەمەس. «ناۋرىز» جانە «وتىرار» تۇرعىن اۋداندارىندا 600 ورىندىق مەكتەپ قۇرىلىستارىنىڭ جوبالىق-سمەتالىق قۇجاتتارىن دايىن­داۋعا جەرگىلىكتى بيۋدجەتتەن 11 ملن تەڭگە قارجى ءبولىنىپ, مەملەكەتتىك ساراپتاما قورىتىندىلارى الىنعان, ال 48 نىسانعا ساۋلەت-جوسپارلاۋ تاپسىرماسى جاسالعان. وندىرىستىك كاسىپورىندار قۇرىلىسى دا جوسپارلانعان مەرزىمدە جۇرگىزىلىپ, جاڭا جۇمىس ورىندارىنىڭ اشىلۋىنا ىقپال ەتۋدە. مىسالى, كاسىپكەرلىكتى قولداۋ كارتاسى اياسىندا قالادا «ارىس مينەرالدى سۋ» جشس قۇنى 250 ملن تەڭگەلىك, جىلىنا 18 ملن ليتر مينەرالدى سۋ جانە باسقا دا الكوگولسىز سۋسىندار شىعاراتىن, 50 ادام جۇمىسپەن قامتىلعان تسەحتى ىسكە قوستى. وڭىرلەر كاسىپكەرلىگىن قولداۋ كارتاسىنان تىس قۇنى 1 ملرد 360 ملن تەڭگەلىك 6 جوبانىڭ ەسەبىنەن جاڭادان 102 جۇمىس ورىندارىنىڭ اشىلۋى جوسپارلانسا, 4 جوبا ىسكە قوسىلىپ, 85 جۇمىس ورنى اشىلدى. الداعى ۋاقىتتا «سىم-تاس» جشس قۇرىلىس ماتەريال­دارىن, اتاپ ايتقاندا كەرامزيتتەن دايىندالاتىن كىرپىش شىعارۋدى جوس­پارلاپ وتىر. بۇگىنگى تاڭدا مونتايتاس اۋىلدىق وكرۋگى اۋماعىنان كەڭ تارالعان پايدالى قازبا, بەتونيت كەن ورنىنىڭ قۇجاتتارى ازىرلەنۋدە. سونداي-اق ارىس قالاسىنىڭ وڭتۇستىك شاعىن اۋدا­نى­نان 2019-2020 جىلدارى شەتەلدىك جانە جەرگىلىكتى كومپانيالار بىرلەسىپ, جىلىنا 12 مىڭ دانا تولىق تسيكلدى ۆاگوندار شىعاراتىن, جالپى قۇنى 82,0 ملرد تەڭگە بولاتىن زاۋىت سالۋدى جوس­پارلاۋدا. بىلتىر قازان ايىن­دا قوجاتوعاي اۋىلدىق وكرۋگىندە «KazGreenTekSolar» سەرىكتەستىگى فرانتسۋزدىق كومپانيامەن بىرلەسىپ, 30 گەكتار جەرگە قۇنى 7 ملرد تەڭگەلىك, قۋاتى 14 مۆت بولاتىن كۇن ساۋلەسىنەن بالامالى ەلەكتر ەنەرگياسىن وندىرەتىن ستانسانىڭ قۇرىلىس جۇمىستارى باس­تالدى. ودان بولەك, «تۇركىستان» الەۋمەتتىك كاسىپكەرلىك كورپوراتسياسى» اق ۇسىنىسى نەگىزىندە قۋاتى 50 مۆت-تى قۇرايتىن كۇن ساۋلەسىنەن قۋات وندىرەتىن ستانسا سالىناتىن بولادى. قالا اكىمى مۇرات قادىربەكتىڭ مالىمدەۋىنشە, بىلتىر ينۆەستيتسيا كولەمى 6 ملرد-تان استام تەڭگە بولىپ, الدىڭعى جىلدىڭ ءتيىستى كەزەڭىمەن سالىستىرعاندا 1 ملرد-تان اسا تەڭگەگە ارتقان. ال وندىرىلگەن جالپى ىشكى ايماقتىق ءونىم كولەمى 25 ملرد 367 ملن تەڭگە بولعان.

ەلباسى ن.نازارباەۆتىڭ «پرەزي­دەنتتىڭ بەس الەۋمەتتىك باستاماسى» اتتى حالىققا ۇندەۋىنىڭ 4-ءشى باستاماسىندا شاعىن نەسيە بەرۋدى كوبەيتۋ قاجەتتىگى ايتىلعان بولاتىن. وسى ورايدا ارىس قالاسىندا شاعىن نەسيە ۇيىمدارى ار­قىلى 2748 ادامعا بارلىعى 1 ملرد 529 ملن تەڭگە نەسيە بەرىلگەن. ونىڭ ىشىندە مەم­لەكەتتىك باعدارلامالار اياسىندا قار­جى ۇيىمدارى ارقىلى 76 ادامعا بەرىلگەن نەسيە كولەمى 426 ملن تەڭگە. بۇل ءوز كەزە­گىندە اۋىل شارۋاشىلىعىنىڭ دامۋىنا سەپتىگىن تيگىزىپ وتىر. بىلتىر 10 ايدا 12 ملرد 521 ملن تەڭگەنىڭ اۋىل شارۋاشىلىعى ونىم­دەرى ءوندىرىلىپ, 6,1 گەكتار جىلىجاي سالىن­عان, 905 گەكتار جەرگە تامشىلاتىپ سۋارۋ ءادىسى ەندىرىلگەن. ءتورت ت ۇلىك مال سانىن كوبەيتىپ, ۇلتتىق سۋسىنداردى ۇسى­نىپ وتىرعان شارۋاشىلىقتاردان ءبىر عانا مىسال كەلتىرە كەتەيىك. ارىس قالا­سىنا قاراستى دەرمەنە اۋىلدىق وك­رۋ­­گىندە سانالى بولىمشەسىندە «جەلمايا» اشوك كۇنىنە 500 ليتردەن 1,5 تون­ناعا دەيىن شۇبات وندىرەدى. شۇبات بوتەل­كە­لەرگە قۇيىلىپ استانا, الماتى, اقتوبە قالالارىنا جىبەرىلۋدە. كەلەسى جىلى تۇيە سۇتىنەن يوگۋرت ءونىمىن ءوندىرۋ جانە ساۋىن­دى تۇيەلەرىن 400 باسقا دەيىن ارت­تىرۋ جوسپارلانۋدا. ال «ورداباسى قۇس» جشس اقدالا اۋىلدىق وكرۋگىنەن قۇنى 2,5 ملرد تەڭگەنى قۇرايتىن اسىل تۇقىم­دى ۇندىك بالاپانىن شىعاراتىن قۇس فا­ب­ري­كاسىن سالماق. قۋاتى 1817 مىڭ دانا جۇ­مىرتقا شىعاراتىن جوبا بويىن­شا 70 ادام جۇمىسپەن قامتىلاتىن بولا­دى. سون­داي-اق قالا اۋماعىنداعى اۋىل­­­شارۋا­­شى­لىق جەرلەرىن اعىن سۋمەن قام­تا­ما­سىز ەتىپ, سۋارمالى جەر كولەمىن ۇل­­عايتۋ ماقساتىندا ناقتى ءىس-شارا­لار جوس­­پار­­لانعان. مىسالى, دەرمەنە اۋىل­دىق وك­رۋگىندەگى «سانالى» كانالىن كۇر­دەلى جون­دەۋدەن وتكىزۋ ار­قىلى 550 گەك­تار سۋار­مالى جەردى قايتا اي­نالىمعا قوسۋ جانە سىيىمدىلىعى 1 ملن تەكشە مەتر­­­لىك توعان سالۋ ارقىلى سۋار­مالى جەر­­دىڭ كولەمىن 1950 گەكتارعا ۇلعايتۋ كوزدەلۋدە.

عالىمجان ەلشىباي,

«ەگەمەن قازاقستان»

تۇركىستان وبلىسى