ريددەر قالاسىنىڭ №1 مەكتەپ-ليتسەيىندە «رۋحاني جاڭعىرۋ» جالپىۇلتتىق يدەياسىنىڭ «وتانىم-تاعدىرىم» - «دارىندى ۇرپاق – ەل بولاشاعى» نەگىزگى باعىتتاعى جوباسىن, «تاربيە جانە ءبىلىم» كىشى باعدارلاماسىن جۇزەگە اسىرۋ شەڭبەرىندە «كوشباسشى بولعىڭ كەلە مە؟ قالاي ەكەندىگىن مەنەن سۇرا» اتتى شارا وتكىزىلدى.
«ەلباسىنىڭ «بولاشاققا باعدار: رۋحاني جاڭعىرۋ» اتتى ماقالاسى جاستارعا رۋحاني جول كورسەتەتىن ناقتى باعدار, ولارعا زور مۇمكىندىكتەر تۋعىزاتىن, جاڭا بەلەستەردى باعىندىرۋعا باعىتتالعان ءىس-قيمىل جوسپارى», - دەدى شارانىڭ اشىلۋ سالتاناتىندا ءسوز العان ريددەر قالاسى ىشكى ساياسات ءبولىمىنىڭ باسشىسى انار دۇكەنباەۆا. «كوشباسشى مەكتەبى» جوباسىنىڭ جەتەكشىسى تامارا الەكسەەۆا شارا وقۋشىلاردىڭ بويىندا ءوزىن-ءوزى باسقارۋ مەن ءوزىن-ءوزى تانىتۋعا دەگەن قىزىعۋشىلىعىن قالىپتاستىرۋ, الەۋمەتتىك جوبالاۋدى جۇزەگە اسىرۋ اياسىندا كوشباسشىلىق, توپتا جۇمىس ىستەۋ داعدىلارىن دامىتۋ مەن جەتىلدىرۋ, قازاقستاندىق وتانسۇيگىشتىككە, رۋحاني-ادامگەرشىلىك نەگىزدەرىنە, تولەرانتتىققا تاربيەلەۋ ماقساتىندا ۇيىمداستىرىلعانىن ايتادى. «باعدارلاماعا «شەشەندىك شەبەرلىك نەگىزدەرى», «توپتىق جۇمىس» جانە «كرەاتيۆتى ويلاۋ» اتتى ءۇش شەبەرلىك سىنىبى كىردى. ليتسەي وقۋشىلارى مەن «كوشباسشى مەكتەبى» جوباسىنىڭ قاتىسۋشىلارى دايىنداپ, وتكىزگەن «ساتىلىم ۋاقىتى» ىسكەرلىك ويىنى مەن ء«وز ويىم بار» پىكىر الماسۋ الاڭىندا مەكتەپ وقۋشىلارى ءوز بىلىمدەرىن تاجىريبە بارىسىندا كورسەتە الدى», دەيدى ول.
ازامات قاسىم,
«ەگەمەن قازاقستان»
شىعىس قازاقستان وبلىسى, ريددەر قالاسى