قازاقستاندىق مۇعالىمدەر قىسقى مەكتەپكە باردى

جالپى ءبىلىم بەرۋ پاندەرى مەكتەبى ۇيىمداستىرعان جوباعا قازاقستاننىڭ تۇكپىر-تۇكپىرىنەن كەلگەن ۇستازدار قاتىستى. ولار قازاق, ورىس, اعىلشىن تىلدەرىن ءتيىمدى تاسىلدەرمەن وقىتۋ بويىنشا تاجىريبە الماسىپ, فابريكاتسيا, فالسيفيكاتسيا, يمپەرسوناتسيا جانە ت.ب زاماناۋي تاقىرىپتاردا ساباق الدى.

م.س. نارىكباەۆ اتىنداعى كازگيۋ ۋنيۆەرسيتەتىنىڭ دوتسەنتى قارلىعاش ديۋسۋپباەۆا: « قازىرگى زاماندا ءبىلىم الۋشىنىڭ قىزىعۋشىلىعىن وياتىپ, موتيۆاتسيا جاساۋ ءۇشىن ءار وقىتۋشى مامان, پەداگوگ, پسيحولوگ, جاناشىر, قامقورشى, جەتەلەۋشى, ۇلگى بولۋى كەرەك. باسەكەگە قابىلەتتى مامان دايىنداۋ ءۇشىن وزگە تىلدەردى ەكىنشى, ءۇشىنشى ءتىل رەتىندە وقىتۋدىڭ كرەاتيۆتى جولدارىن پايدالانعانى ءجون. سولاردىڭ ءبىرى - كينو-كوۋچ جانە اففيرماتسيا. كينو-كوۋچ  تاسىلىندە ىقپالدى ساۋالدار قويىلادى. بۇل ءتاسىلدىڭ ماقساتى ءتىل ۇيرەنۋشىنىڭ اقىرعى شەشىمدى قابىلداۋى مەن مۇقيات تىڭداۋى ارقىلى وزدىگىنەن وقۋعا ىنتالاندىرۋ, الەۋەتىن تولىق اشۋ. اففيرماتسيا ءادىسى كۇندەلىكتى قولىڭىزدان كەلەتىن جانە سول ساتتە ءومىر ءسۇرىپ جاتقانىڭىزدى راستايتىن, جاقسى سوزدەرمەن جۇمىس جاساۋعا نەگىزدەلەدى».

پەداگوگيكالىق شەبەرلىك قىسقى مەكتەبىنىڭ باعدارلاماسى اياسىندا  APA Style», «دالەلدى ءسوز», «كينوكوۋچ», «جەكە برەندينگ», «نەتۆوركينگ», «ينتەراكتيۆتى ادىستەر», «CLIL», «Academic reading and useful apps», «Helping students avoid plagiarism», «Paraphrasing skills», «Students’ work in groups : assessment criteria», «Computer-assisted language learning» تاعى دا وزگە تاقىرىپتار بويىنشا سەمينار-ترەنينگتەر وتكىزىلدى. شاقىرىلعان قوناقتار قاتىرىندا اففيرماتسيانىڭ شەبەرى, پسيحولوگ, Phd دوكتورى بوتا بايتۋكباەۆا, وراتورلىق شەبەرلىك ورتالىعىنىڭ ترەنەرى تولقىن امانبەك جانە قازاقستاندا جەكە برەندينگتىڭ نەگىزىن قالاپ جۇرگەن ايجان قيمانوۆا بار.

استانا, سەمەي, جەزقازعان, قاراعاندى, كوكشەتاۋ, پاۆلودار جانە قىزىلجاردان كەلگەن (پەتروپاۆل)  ورتا جانە جوعارى وقۋ ورىندارى ادىسكەرلەرى, پسيحولوگ ماماندارى, ۇستازدارى قىسقى مەكتەپتەن العان تاجىريبەسىمەن شاكىرتتەرىمەن بولىسپەك نيەتتە.