پالاتا سپيكەرى نۇرلان نىعماتۋليننىڭ توراعالىعىمەن ءماجىلىستىڭ بيۋرو وتىرىسى ءوتتى. وندا الداعى جالپى وتىرىستا قارالاتىن كۇن ءتارتىبىنىڭ جوباسى ناقتىلاندى, دەپ حابارلادى ءماجىلىستىڭ ءباسپاسوز قىزمەتى.
اتاپ ايتقاندا, پالاتاعا قۇقىقتىق سالاعا قاتىستى قازاقستان مەن يوردانيا اراسىنداعى بىرقاتار كەلىسىمدەردى قامتيتىن راتيفيكاتسيالىق زاڭ جوبالارىن قاراۋ ۇسىنىلدى.
وسىلاردىڭ قاتارىندا قىلمىستىق ىستەر بويىنشا ءوزارا قۇقىقتىق كومەك, ادامداردى ۇستاپ بەرۋ, سونداي-اق سوتتالعانداردى بەرۋ تۋرالى قۇجاتتار بار.
اتالعان كەلىسىمنىڭ ماقساتتارىن ىسكە اسىرۋ جونىندەگى قازاقستانداعى ورتالىق مەملەكەتتىك ورگان باس پروكۋراتۋرا بولىپ تابىلادى.