تۇركىستاندا وزبەك كينوسى كۇندەرى ءوتتى

جيىندا تۇركىستان وبلىسى اكىمىنىڭ ورىنباسارى وتارباەۆ مالىك نۇرجان ۇلى,   وزبەكستان رەسپۋبليكاسىنىڭ قازاقستان رەسپۋبليكاسىنداعى باس كونسۋلى فاتحۋللاەۆ ابرار دجاحانگەر ۇلى جانە قازاقستان وزبەكتەرى «دۋستليك» قاۋىمداستىعىنىڭ توراعاسى حاشيمجانوۆ يكرام اكرام ۇلى قوس ەلدىڭ تۋ ەتكەن تاتۋلىعى مەن دوستىق بايلانىسىن ايقىندايتىن ايتۋلى باسقوسۋمەن قۇتتىقتاپ, تاريحي فيلمدەردىڭ ورتاق تاربيەسى مەن مازمۇنى جونىندە ءسوز ەتتى.

كينو – كەز كەلگەن مەملەكەتتىڭ مادەنيەت ايناسى ىسپەتتى. ول, سول حالىقتىڭ تۇرمىس-سالتى مەن ءداستۇرىن دارىپتەيتىن قۇرال بولىپ سانالادى. 

سوندىقتان دا بۇگىندە بۇكىل الەم كينو مەن تەلەحيكايا سالاسىنا ۇلكەن دەن قويىپ  ءجۇر. 

ءبىزدىڭ ەلىمىزدە دە كينو سالاسىنا ءجىتى كوڭىل ءبولىنىپ, كەڭىنەن ناسيحاتتالىپ كەلەدى. سەبەبى, كينو جاي عانا ونەر ەمەس, ول قوعامنىڭ ۇلتتىق يدەولوگياسىن قالىپتاستىراتىن ۇلكەن قۇرالداردىڭ ءبىرى بولىپ سانالادى. سوندىقتان دا, كەز - كەلگەن مەملەكەت ءوز كينويندۋسترياسىنىڭ دامۋىنا زور مۇمكىندىكتەر جاسايدى.  

كينو سالاسى مەن انيماتسيا سالاسىنىڭ ءبىزدىڭ وڭىرىمىزدە دامىپ كەلە جاتقانى قۋانارلىق جاعداي. 

بىلتىرعى جىلدىڭ وزىندە وڭىرلىك ءتۋريزمدى دامىتۋ, تاريحي-مادەني مۇرالارىمىزدى ناسيحاتتاپ, جاستارعا پاتريوتتىق تاربيە بەرۋ ماقساتىندا «كۇش اتاسى – قاجىمۇقان» انيماتسيالىق ءفيلمى جانە “قالقانقۇلاق” قيال-عاجايىپ  تەلەحيكاياسى ءتۇسىرىلىپ,  «كونە جەتىگەننىڭ سىرى» اتتى تەلەسەريال جانە «كيەلى قازىعۇرت», «وتىراردى قورعاۋ» اتتى انيماتسيالىق فيلمدەرى ءتۇسىرىلدى. 

بۇگىنگى ءىس-شارانىڭ ەكى ەلدىڭ اراسىنداعى التىن كوپىر, باۋىرلاس قازاق-وزبەك حالىقتارىنىڭ دوستىعى مەن بىرلىگىن نىعايتۋعا سەبەپ بولاتىنىنا سەنىمىم مول. 

تۇركى ەلدەرىنە ورتاق, مəدەنيەتى مەن əدەبيەتى ەگىز تاريحي فيلمدەردى ناسيحاتتاۋ, كينورەجيسسەرلەر مەن اكتەرلار اراسىنداعى شىعارماشىلىق بايلانىستى نىعايتۋ, تəجىريبە الماسۋعا جول اشۋ بولىپ تابىلادى. 

قازاق پەن وزبەك – ءتۇبى ءبىر تۋىسقان حالىقتار. ەكى ەلدىڭ مادەنيەتى مەن سالت-ءداستۇرى, ءدىنى, ءتىلى ۇقساس. قازاقستان مەن وزبەكستان عاسىرلار بويى ساقتالعان دوستىق پەن قارىم-قاتىناستى نىعايتىپ قانا قويماي, جاڭا دەڭگەيگە كوتەرۋدە. 

تۇركىستان وبلىسىنا كەلىپ, حالقىمىزدىڭ رۋحاني بايلىعىن مولايتۋعا قوسقان ەلەۋلى ۇلەستەرىڭىز ءۇشىن العىسىمدى بىلدىرە وتىرىپ, بارشاڭىزدى تاعى دا وزبەك فيلمدەرى كۇندەرىنىڭ اشىلۋىمەن شىن جۇرەكتەن قۇتتىقتايمىن!",-دەدى مالىك نۇرجان ۇلى.

كورسەتىلىم بارىسىندا قازاقتىڭ ۇلى اقىنى ابايدىڭ بالالىق شاعى, قورشاعان ورتاسى, شىعارماشىلىعى جانە مۇراعات قۇجاتتارىن قولدانىپ تۇسىرىلگەن «سلوۆو ابايا» دەرەكتى ءفيلمى (رەجيسسەرى: شۋحرات ماحمۋدوۆ), شىڭعىس ايتماتوۆتىڭ قيسساسى اياسىندا تۇسىرىلگەن «سارۆكومات ديلباريم» كوركەم ءفيلمى (ستسەناري اۆتورى: سارۆار كاريموۆ پەن كەرەز زارليكوۆا, رولدەردە: اديز راجابوۆ, مادينا تاليپبەك, ۋلۋعبەك قوديروۆ, ەلينا ابايقىزى, بوبۋر يۋلدوشەۆ, جۋرابەك ورزيەۆ, ماتيوقۋب ماتچونوۆ, نيگورا كاريمبوەۆا, اليشەر ۋزوقوۆ),   «O’zbekkino» اگەنتتىگىنىڭ تاپسىرىسى بويىنشا «O’zbekfilm» كينوستۋدياسى تۇسىرگەن تاريحي كينوكارتينا «ويكيز» ەرتەگىسى (رەجيسسەرى: اكبار بەكتۋرديەۆ) تۇركىستان قالالىق مادەنيەت ۇيىنە جينالعان  كورەرمەن نازارىنا ۇسىنىلدى.

ايتا كەتسەك, 2018 جىلى قازاقستانداعى وزبەكستان رەسپۋبليكاسى جىلىنا بايلانىستى ەكى ەلدىڭ دوستاستىعىن ارتتىرۋ, مادەني بايلانىستى نىعايتۋ ماقساتىندا 20-دان استام ءىس-شارالار وتكىزىلگەن بولاتىن. ولاردىڭ قاتارىندا قازاقستان وزبەكتەرى ەتنومادەني بىرلەستىكتەرى  “دўستليك” قاۋىمداستىعى جانە حالىقارالىق ءامىر تەمىر قايىرىمدىلىق قورىنىڭ قازاقستانداعى ءبولىمىنىڭ ۇيىمداستىرۋىمەن ء«بىز ءبىر حالىقپىز», ء«امىر تەمىر - ۇلى ساۋلەتشى» اتتى عىلىمي-تاجىريبەلىك كونفەرەنتسياسى, وزبەك ۇلتتىق اكادەميالىق دراما تەاترىنىڭ تۇركىستان وبلىسىنداعى گاسترولدىك ساپارى, «وفارين-2018» وبلىستىق انشىلەر بايقاۋلارى وتسە, سونىمەن قاتار, وزبەكستاننىڭ ناۆوي وبلىسىندا وتكەن حالىقارالىق «نۋرلي ناۆولار» فولكلورلىق فەستيۆالىنە قازاقستاننىڭ اتىنان تۇركىستاندىق ونەرپازدار قاتىسىپ, قازاقستان رەسپۋبليكاسىنىڭ تاۋەلسىزدىك كۇنىنە وراي قازاقستاننىڭ وزبەكستانداعى ەلشىلىگىنىڭ ۇيىمداستىرۋىمەن تاشكەنت قالاسىندا تۇركىستاندىق ونەرپازداردىڭ قاتىسۋىمەن مەرەكەلىك كونتسەرت قويىلدى.