ەلباسى جىل قورىتىندىسى بويىنشا باق وكىلدەرىنە بەرگەن سۇقباتىندا بيىلعى جىلدىڭ ماڭىزدى وقيعالارىن اتاپ ءوتتى.
«2018 جىلدىڭ باسىندا بۇۇ قاۋىپسىزدىك كەڭەسىندە توراعالىق ەتتىك. سونىمەن قاتار بيىل اقش-تىڭ پرەزيدەنتىمەن كەزدەسۋ وتكىزىپ, كەلىسسوزدەر جۇرگىزدىك. ەستەرىڭىزدە بولسا, ورتالىق ازيا باسشىلارىنىڭ باسىن قوستىق. مۇنداي وقيعا بۇرىن سوڭدى بولماعان ەدى. بۇل كەزدەسۋ ەندى جىل سايىن وتەتىن بولادى. ورتا ازيا ەلدەرىنىڭ باسىن قوساتىن ماڭىزدى جيىن كەلەسى جىلى تاشكەنت قالاسىندا وتەدى», دەدى پرەزيدەنت.
سونداي-اق ەلباسى VI الەمدىك جانە ءداستۇرلى دىندەر كوشباسشىلارىنىڭ سەزىن اتاپ ءوتتى.
«قازاقستان بيىل الەمدىك جانە ءداستۇرلى دىندەر كوشباسشىلارىنىڭ باسىن قوستى. بۇل جيىندا الەم بويىنشا وزەكتى ءدىن ماسەلەسى جان-جاقتى تالقىلاندى. باسقوسۋ بارىسىندا كوپتەگەن كوكەيكەستى سۇراقتار ءوز شەشىمىن تاپتى. كەلەسى سەزد 2021 جىلى ءبىزدىڭ ەلدە وتەتىن بولدى», دەدى مەملەكەت باسشىسى.
بۇدان سوڭ, نۇرسۇلتان نازارباەۆ ارال فورۋمى مەن كاسپي ءسامميتىن ءسوز ەتتى.
«بيىل ارال فورۋمى مەن كاسپي ءسامميتىن جوعارى دەڭگەيدە وتكىزدىك. بۇل سامميت كاسپي مارتەبەسىن ەسەلەي ءتۇستى. 20 جىل بويى وسىنداي ماڭىزدى جيىننىڭ وتۋىنە ەڭبەك ەتتىك. ناتيجەسىندە كاسپي كونۆەنتسياسىنا قول قويىلدى. كاسپي تەڭىزى كورشىلەس ەلدەردىڭ اراسىنداعى ىنتىماقتاستىق پەن اراداعى قارىم-قاتىناستى نىعايتا ءتۇستى», دەدى ەلباسى ءوز سوزىندە.