كوكشەتاۋ قالاسى جاڭا جىلدى قارسى الۋعا قىزۋ دايىندالۋدا. مۇز قالاشىقتا ءتۇرلى بەينەلەرمەن بىرگە الەمگە ايگىلى ءانشى ديماش قۇدايبەرگەننىڭ مۇزدان جاسالعان ءمۇسىنى كوپشىلىك كوزايىمىنا اينالدى.
مەرەكە قارساڭىندا مۇزدان جاسالعان كومپوزيتسيانىڭ الدىڭعى بولىگىندە ميكروفون ۇستاعان ديماشتىڭ ءمۇسىنى مەن قاناتتارىن جايعان اققۋلار بەينەلەنگەن. كومپوزيتسيا اۆتورى – كوكشەتاۋلىق ءمۇسىنشى ماناربەك بۇرماعانوۆ. ءƏنشىنىڭ شىعارماشىلىعىنان, əسىرەسە ونىڭ رەسەيدە ورىنداعان «قالجىراعان اققۋلاردىڭ سەزىمى» əنىنەن شابىت العان ءمۇسىنشى ءوز قۇرمەتىن وسىلاي بىلدىرگىسى كەلگەن.
ورتالىق الاڭدا جاساندى الىپ شىرشا ورناتىلىپ, مۇزدان ەرتەگىلەر قالاشىعى تۇرعىزىلۋدا. بالالاردىڭ عانا ەمەس, ەرەسەكتەردىڭ دە نازارىن اۋدارىپ, ەرىكسىز تاڭداي قاققىزاتىن ءمولدىر مۇزدان جاسالعان جانۋارلار مەن ەرتەگى كەيىپكەرلەرىنىڭ بەينەسىن جاساۋ مىندەتىن سۋرەتشىلەر وداعىنىڭ مۇشەلەرى, كəسىبي قىلقالام شەبەرلەرى ۆيتالي گلۋحوۆ, يۋري فەدوروۆ جəنە ۆلاديمير نوۆگورودتسەۆ قولعا الىپتى. ولاردىڭ قولدارىنان شىققان اڭدار مەن ەرتەگى كەيىپكەرلەرىنىڭ بەينەسى كوز تارتادى. كۇننىڭ سۋىقتىعىنا قاراماي, ءوز جۇمىستارىنا بەرىلە كىرىسكەن سۋرەتشىلەر مۇزعا جان ءبىتىرىپ, كوركەم بەينەلەردى جاساۋدا.
– جاڭا جىل ءتۇنى مۇندا ادامدار كوپ كەلەدى. بالالاردى عانا ەمەس, ەرەسەكتەردى دە ەرتەگىلەر əلەمىنە ەلىكتىرىپ تارتاتىن بەينەلەر جاساۋ ارقىلى جۇرتشىلىققا قۋانىش سىيلاساق دەيمىز, – دەيدى سۋرەتشى ۆيتالي گلۋحوۆ.
بايقال ءبايادىل,
«ەگەمەن قازاقستان»
كوكشەتاۋ