پرەمەر-مينيستر باقىتجان ساعىنتاەۆ قورعانىس جانە اەروعارىش ونەركاسىبى مينيسترلىگىنىڭ ۇجىمىنا جاڭا ءمينيستردى تانىستىردى, دەپ حابارلادى پرەمەر-ءمينيستردىڭ ءباسپاسوز قىزمەتى.
مەملەكەت باسشىسىنىڭ جارلىعىمەن ا.جۇماعاليەۆ پرەمەر-ءمينيستردىڭ ورىنباسارى – قورعانىس جانە اەروعارىش ونەركاسىبى ءمينيسترى بولىپ تاعايىندالدى. ءوز كەزەگىندە ب.اتامقۇلوۆ سىرتقى ىستەر ءمينيسترى بولىپ تاعايىندالدى.
باقىتجان ساعىنتاەۆ ب.اتامقۇلوۆقا مينيسترلىكتىڭ قۇرىلعان ۋاقىتىنان باستاپ ەكى جىل ىشىندە اتقارىلعان ناتيجەلى جۇمىس ءۇشىن العىس ءبىلدىرىپ, جاڭا ورىندا ساتتىلىك تىلەدى. ب. اتامقۇلوۆ باسشى بولىپ تاعايىندالعان سىرتقى ىستەر مينيسترلىگىنە ەلباسى مەملەكەتتىك ساياساتتى ىسكە اسىرۋ سالاسىندا ينۆەستيتسيالاردى تارتۋ بويىنشا جاڭا مىندەتتەر جۇكتەگەن.
پرەمەر-مينيستر تانىستىرۋ بارىسىندا ا.جۇماعاليەۆتىڭ ءتۇرلى جاۋاپتى باسشىلىق لاۋازىمدارداعى ۇلكەن تاجىريبەسىن ايتىپ, الداعى ەڭبەكتە تابىس تىلەدى. ا.جۇماعاليەۆ اقپاراتتاندىرۋ جانە بايلانىس اگەنتتىگىنىڭ توراعاسى, بايلانىس جانە اقپارات ءمينيسترى, كولىك جانە كوممۋنيكاتسيالار ءمينيسترى, ءتۇرلى كومپانيالاردىڭ باسشىسى بولىپ قىزمەت اتقارعان.