قالا اكىمى ءانۋار كۇمپەكەەۆتىڭ ايتۋىنشا, 2019 جىلى وبلىس ورتالىعى كوشەلەرىندە 10 ەلەكتروبۋس, 20 جاڭا اۆتوبۋستار ءجۇرۋى مۇمكىن.
ەلەكتروبۋستار مەن اۆتوبۋستاردى ساتىپ الۋعا 412 ميلليون تەڭگە بولىنبەك. كولىكتەر قوستاناي زاۋىتىندا شىعارىلعان. وبلىس ورتالىعىنا استانا كۇنىنە دەيىن جەتكىزىلۋ جوسپارلانۋدا. قالالىق ەكونوميكا جانە بيۋدجەتتىك جوسپارلاۋ ءبولىمىنىڭ مالىمەتىنشە, الداعى جىلعا ارنالعان بيۋدجەتتىڭ جالپى كولەمى 78,3 ملرد تەڭگەنى قۇرايدى.
ياعني, الەۋمەتتىك سالاداعى ءىس-شارالاردى قارجىلاندىرۋعا 20 ملرد تەڭگە, قۇرىلىس سالاسىنا 17,4 ملرد تەڭگە, ال, تۇرعىن ءۇي-كوممۋنالدىق شارۋاشىلىق سالاسىنا 10 ملرد تەڭگە بولىنبەك.
سونىمەن بىرگە, وبلىس ورتالىعىنداعى 2-ءشى پاۆلودار بولىگىنە قۇبىر جەلىلەرىن سالۋ جۇمىستارى باستالادى. جوسپارعا سايكەس, سيبيرسكايا, حاباروۆسكايا, سۇلەيمەنوۆ, دالنەۆوستوچنايا جانە دەروۆ كوشەلەرىندە قۇبىرلار سالىنادى.
ال, قالا اكىمى ايتقان جاڭا اۆتوبۋستاردىڭ وبلىس ورتالىعىنا قاراي كەلە جاتقانى قالا تۇرعىندارى ءۇشىن جاڭالىق ەمەس. ەسكى اۆتوبۋستارمەن جۇرۋدەن شارشاعان تۇرعىندار ءا. كۇمپەكەەۆ ايتقان جاڭا اۆتوبۋستاردىڭ قالا كوشەلەرىندە تۇراقتاپ قالۋىن كۇتەدى. ويتكەنى, 2016 جىلى وبلىس ورتالىعىداعى №1 اۆتوبۋس پاركى جشس-ءىن جەكەشەلەندىرۋ بارىسىندا 36 جاڭا اۆتوبۋس ساتىپ العان بولاتىن.
بىراق, كوپ ۇزاماي جاڭادان بەرىلگەن اۆتوبۋستار باعىتتاردان الىنىپ تاستالعانى دا بار. №1 اۆتوبۋس پاركى جشس جەكەشەلەندىرۋ اياسىندا جەكەنىڭ قولىنا ءوتتى. كاسىپكەر ءوز مىندەتتەرىن ورىنداي الماعان سوڭ, پارك قايتادان مەملەكەتكە قايتقان-دى.
فاريدا بىقاي,
«ەگەمەن قازاقستان»
پاۆلودار