بيىلعى قاتال باستالعان قىستى وزگەرتكەن اپپاق قارعا ورنەك بەرگەندەي بولعان كوزدىڭ جاۋىن العان مويىل ەدى.
اينالاعا قار تۇسكەن جەلتوقساننىڭ بەت قارىعان العاشقى كۇندەرى جۇمىسقا بارا جاتقاندا جول بويىنداعى ءبىر ءتۇپ جيدەكتىڭ ال قىزىل بوياۋى كوز جاۋىن العانى ەرەك. «سامالداعى» ەڭ بيىك ءۇيدىڭ الدىنا ەگىلگەن اعاشتىڭ بىرىنە مويىل وسەدى دەپ كىم ويلاعان.
مويىل شىركىن العاشقى قار جاۋعاندا قار استىندا قالعان ەدى. اراعا اپتا سالىپ كەلگەندە كۇن جىلي باستاعان ءسات بولاتىن, ايازدا ادەمى كورىنەتىن مويىلدىڭ بورسىپ ىسىنە باستاعانىن بايقاپ تاڭعالدىق. مويىل اعىپ كەتەدى دەگەنىڭىز وسى شىعار دەپ قويعانبىز.
ءسىز دە كورىڭىز, جارى,قتىق, مويىل اعىپ كەتكەن جىل دەپ جازاتىن وسى كەز-اۋ! جول جيەگىندەگى دولانالاردى توساپ جاساۋعا جيناپ العان, ال مويىلىڭىز اعاش باسىندا جاڭا جىلدا جىلتىراپ كوزدىڭ جاۋىن الادى. قىزىق, ءسىز بىلەسىز بە, نەگىزى مويىل سۋ قويمالارىنىڭ, كولدەردىڭ, وزەندەردىڭ جاعالارىندا, بۇتالاردىڭ اراسىندا, ورمانداردىڭ شەتتەرىندە وسەدى ەكەن. باياعىدا قالانى كوركەيتۋ ورىندارى ايماقتى جاسىلداندىرۋ كەزىندە مويىل بۇتاعىن شانشي سالعان بولدى عوي.
شىركىن, مويىل!
ساپارباي پارمانقۇل,
«ەگەمەن قازاقستان»
الماتى