وبلىس ورتالىعىنداعى «سارىارقا» شاعىن اۋدانىندا ەكى بىردەي كوپ قاباتتى تۇرعىن ءۇي پايدالانۋعا بەرىلدى.
جالپى, بۇل شاعىن جاڭا اۋدانداعى بىرنەشە بيىك ۇيلەردىڭ قۇرىلىسىن «پورتال-پۆ» جشس, «گسۋ كۇرىلىس» جشس-تارى جۇرگىزۋدە.
قونىس توي قۋانىشىنا وبلىس اكىمى بولات باقاۋوۆ, «تۇرعىن ءۇي قۇرىلىس جيناق بانكى» اق باسقارما توراعاسىنىڭ ورىنباسارى نۇرلان اقشانوۆ قاتىسىپ, پاتەر العان تۇرعىندار قۋانىشتارىمەن ءبولىستى.
قالا تۇرعىنى نازىمگۇل جۋكينا دا 2 بولمەلى پاتەردىڭ كىلتىن قولىنا الىپ, قۋانىشتى. ول 3 جىل بۇرىن «تۇرعىن ءۇي قۇرىلىس جيناق بانكى» اق تان ەسەپشوت اشقان ەكەن.
-بانك 5 پايىزدىق وسىممەن 9 جىلعا نەسيە بەردى, - دەيدى پاتەر يەسى.
جاڭا تۇرعىن ۇيلەر «نۇرلى جەر» مەملەكەتتىك باعدارلاماسىنىڭ اياسىندا سالىنعان. 1 شارشى مەترىنىڭ باعاسى 120 000 تەڭگە. پاتەرلەردىڭ اۋماعى 40 پەن 84 شارشى مەتر ارالىعىندا.
پاتەر الۋشى تۇرعىنداردىڭ «تۇرعىن ءۇي قۇرىلىس جيناق بانكى» اق شوتىندا ءۇي قۇنىنىڭ 20 پايىزىنا تەڭ باستاپقى جارناسى بولۋى قاجەت.
مىسالى, قۇنى 5 ميلليون تەڭگە تۇراتىن 1 بولمەلى پاتەرگە قول جەتكىزۋ ءۇشىن سالىمشىلاردىڭ ەسەپشوتىندا 1 ميلليون تەڭگە كولەمىندە قاراجات بولسا جەتكىلىكتى.
بىلتىر «سارىارقا» شاعىن جاڭا اۋدانىندا 6 تۇرعىن ءۇي پايدالانۋعا بەرىلدى. وبلىستىق قۇرىلىس باسقارماسىنىڭ مالىمەتىنشە, وبلىس ورتالىعىنىڭ باس جوسپارىنا سايكەس شاعىن اۋداندا 600 بالاعا ارنالعان مەكتەپ سالىنادى.
بۇرىنعى ەسكى قالاشىقتاعى 159 ءۇي بۇزىلىپ, بۇل اۋماق قازىر قىزۋ قۇرىلىس الاڭىنا اينالدى.
تۇرعىن ۇيلەر كەشەنىنىڭ قۇرىلىسى 2021 جىلى اياقتالادى دەپ جوسپارلانعان. سونىمەن بىرگە, «نۇرلى جەر» باعدارلاماسى بويىنشا وبلىس ورتالىعىندا «دوستىق» شاعىن اۋدانىنىڭ دا قۇرىلىسى باستالدى.
فاريدا بىقاي,
«ەگەمەن قازاقستان»
پاۆلودار