وبلىستا قوقىس وڭدەيتىن العاشقى زاماناۋي زاۋىت قوستاناي قالاسىنىڭ ىرگەسىندەگى زاتوبول كەنتىنەن ورىن تەپتى. زاۋىت جىلىنا 40 مىڭ توننا قوقىستى ىرىكتەپ, وڭدەيدى. ءۇش اۋىسىمدىق جۇمىس كۇنىنە كوشكەندە جىلىنا 120 مىڭ توننا قوقىس وڭدەپ, يگەرە الادى. زاۋىت تولىق قۋاتىنا ءۇش ساتىلاپ قوسىلاتىن بولادى. ازىرگە كاسىپورىننىڭ العاشقى العاشقى جەلىسى سالتاناتتى تۇردە ىسكە قوسىلدى. «EKO SITI KZ» جاۋاپكەرشىلىگى شەكتەۋلى سەرىكتەستىگىنىڭ ديرەكتورى جاندوس جاقسىباەۆتىڭ ايتۋىنشا, كەلەسى جىلدىڭ باسىندا زاۋىتتىڭ ەكىنشى ساتىسى, ياعني تازارتۋ جەلىسى ىسكە قوسىلادى. ءۇشىنشى ساتىسىندا شيكىزات رەتىندە پايدالانىلاتىن پلاستيك تۇيىرشىكتەرىن وندىرەتىن بولادى.
«بۇل – ءبىزدىڭ وبلىس ءۇشىن بىرەگەي جوبا. «S.M.F. – Sistem»توقىماسىز ماتەريال فابريكاسىنىڭ الەۋەتى ۇلكەن, ولار بىزدەن ينفراقۇرىلىم جاساۋعا كومەك سۇراپ وتىر. بۇل ءبىزدى قۋانتادى, دەمەك كومپانيانىڭ جوسپارى اۋقىمدى دەگەن ءسوز. ءبىز وعان بارلىق جاعدايدا كومەك بەرەتىن بولامىز. سونىمەن قاتار قوقىستىڭ وڭدەلۋى قورشاعان ورتانىڭ ەكولوگياسىن جاقسارتادى, بۇل دا جاقسى نىشان» دەدى زاۋىتتىڭ سالتاناتتى ىسكە قوسىلۋىنا قاتىسقان وبلىس اكىمى ارحيمەد مۇحامبەتوۆ.
بۇل جوبانىڭ العاشقى جەلىسى قۇنىنىڭ 300 ميلليون تەڭگەنى قۇرادى. قوقىس وڭدەيتىن زاۋىت ءوزىنىڭ قۇرىلتايشىسى «S.M.F. – Sistem» توقىماسىز ماتەريال فابريكاسىن شيكىزاتپەن قامتاماسىز ەتەتىن بولادى. قايتا وڭدەلگەن قوقىستان فابريكا 80 ءتۇرلى زات وندىرەتىن بولادى. ونىڭ ىشىندە گازعا, سۋعا, تاعى باسقا دا قاجەتكە پايدالانىلاتىن قۇبىرلار, تاس جولعا توسەنىشى سەكىلدى جاڭا تەحنولوگيامەن وندىرىسكە پايدالانىلاتىن ماتەريالدار دا بار.
ء نازيرا جارىمبەت,
«ەگەمەن قازاقستان»