قازاقستاننىڭ كاسىپقوي بوكسشىسى جانىبەك ءالىمحان ۇلى ءوزىنىڭ كەلەسى جەكپە-جەگىن 2019 جىلدىڭ 2 اقپانىندا اقش-تىڭ تەحاس شتاتىنداعى فريسكو قالاسىندا وتكىزەدى. ال ونىڭ ناقتى كىممەن جۇدىرىقتاساتىنى كەلەسى اپتادا بەلگىلى بولادى.
اۋەسقويلار اراسىندا الەم جانە ازيا چەمپيونى, ازيا ويىندارىنىڭ جەڭىمپازى اتانعان 25 جاستاعى قازاق بوكسشىسى كاسىپقوي رينگتەگى العاشقى ەكى جەكپە-جەگىن قازاقستاندا وتكىزگەن بولاتىن. 2016 جىلدىڭ قازان ايىندا الماتىدا كولۋمبيالىق نۋنەس ميلتوندى ءبىرىنشى راۋندتا ۇرىپ شىقسا, 2017 جىلدىڭ قىركۇيەيەگىندە استانادا برازيليالىق جيلبەرتۋ پەرەيرا دوس سانتوستى ۇپاي سانىمەن ۇتتى.
ودان كەيىن جانىبەك مۇحيت اسىپ, امەريكاعا اتتاندى. اقش-تا ول اتىشۋلى بوب ارۋم جەتەكشىلىك ەتەتىن ايگىلى Top Rank پروموۋتەرلىك كومپانياسىمەن كەلسىمشارتقا وتىردى. سول كەزدەن بەرى تاعى ەكى كەزدەسۋ وتكىزىپ, ەكەۋىندە دە جەڭىسكە جەتتى. قانداسىمىز تاجىريبەلى كارلوس گالۆان (كولۋمبيا) مەن الەكساندەر ۆوننان (اقش) باسىم ءتۇستى. ءالىمحان ۇلىنىڭ ەندىگى ارمانى – ەڭ بەلدى نۇسقالار بويىنشا ءوزى ونەر كورسەتەتىن ەكىنشى ورتا سالماق دارەجەسىندە الەم چەمپيونى اتاعىن يەلەنۋ.
عالىم سۇلەيمەن,
«ەگەمەن قازاقستان»