سولتۇستىك قازاقستاندا ەڭبەك ەرىنە ەسكەرتكىش قويىلدى

نىساننىڭ اشىلۋ سالتاناتىندا سويلەگەن سوزىندە شال اقىن اۋدانىنىڭ اكىمى نۇرلان ەسىموۆ  سانالى عۇمىرىن شارۋاشىلىق, كەڭەس,  پارتيا قىزمەتتەرىنە ارناعان, ەل, جەر قامىن الدىڭعى ورىنعا قويعان بىلگىر باسشىنىڭ ءومىرى جاستارعا اركەز ۇلگى ەكەنىن اتاپ  كورسەتتى. ەڭبەك ارداگەرى حاميت  نايمانوۆ ونىمەن بىرگە جۇمىس اتقارعان كەزدەرى جايلى سىر شەرتتى.

ەسىم شايكە ۇلى 18 جاسىندا قولىنا قارۋ الىپ, جاۋعا قارسى سوعىسقا اتتانعان. مايداننان ورالعان سوڭ ۇجىمشار توراعاسى, كەڭشار ديرەكتورى, اۋاتكوم توراعاسى سەكىلدى ەڭبەك جولدارىنان وتكەن.  اۋداندىق پارتيا پارتيا كوميتەتىنىڭ ءبىرىنشى حاتشىسى قىزمەتىنە دەيىن كوتەرىلگەن. 1976 جىلى سوتسياليستىك ەڭبەك ەرى اتاعىن العان. 2 رەت لەنين, ەڭبەك قىزىل تۋ, «قۇرمەت بەلگىسى» وردەندەرىمەن ماراپاتتالعان. كوشەگە,  مەكتەپكە اتى بەرىلگەن.

شالاقىندىقتار بۇل كىسىنىڭ ەسىمىن ەرەكشە قۇرمەتتەيدى, قيماستىقپەن ەسكە الادى. ەساعاڭ باسقارعان جىلدارى مۇندا كوپتەگەن مەكتەپتەر, اۋرۋحانالار, كوپقاباتتى تۇرعىن ۇيلەر, مادەنيەت وشاقتارى سالىندى. اسىرەسە, اباتتاندىرۋ, كوگالداندىرۋ جۇمىستارى ەرەكشە قارقىنمەن جۇرگىزىلىپ, اۋدان ورتالىعى, ەلدى مەكەندەر جاسىل جەلەككە اينالدى.

ءومىر ەسقالي

«ەگەمەن قازاقستان»

سولتۇستىك قازاقستان وبلىسى