يندونەزيانىڭ باتىسىنداعى زوندسكي بۇعازىنىڭ جاعالاۋىندا بولعان تسۋنامي سالدارىنان قۇربان بولعاندار سانى 168 ادامعا جەتتى. بۇل تۋرالى فرانس پرەسس اگەنتتىگى تابيعي اپاتتاردىڭ سالدارىن جويۋ جونىندەگى ۇلتتىق باسقارمانىڭ وكىلى سۋتوپو پۋرۆو نۋگروحوعا سىلتەمە جاساي وتىرىپ حابارلايدى.
اگەنتتىكتىڭ حابارلاۋىنشا, 745 ادام زارداپ شەكتى, 30 ادام ءىز-ءتۇزسىز جوعالىپ كەتتى. اپات سالدارىنان جۇزدەگەن ۇيلەر مەن عيماراتتار قيراپ, زارداپ شەككەندەردى ەۆاكۋاتسيالاۋ جۇرگىزىلۋدە.
ايتا كەتەيىك, تسۋنامي سەنبى كۇنى جەرگىلىكتى ۋاقىت بويىنشا ساعات 21:27-دە يندونەزيانىڭ باتىس جاعالاۋىندا بولدى.