تاۋەلسىزدىك كۇنى قارساڭىندا س.ج. اسفەندياروۆ اتىنداعى قازاق ۇلتتىق مەديتسينا ۋنيۆەرسيتەتىندە جاستار ساياساتى باسقارماسى «قازاقستان تاريحى جانە الەۋمەتتىك-گۋمانيتارلىق پاندەر» مەن «قوعامدىق دەنساۋلىق جانە دەنساۋلىق ساقتاۋ» كافەدرالارىنىڭ باستاماسىمەن «رۋحاني جاڭعىرۋ – ۇلت بولاشاعى, ەل مارتەبەسى» رەسپۋبليكالىق عىلىمي-تاجىريبەلىك كونفەرەنتسياسىن وتكىزدى.
«رۋحاني جاڭعىرۋ» باعدارلاماسىنداعى كورسەتىلگەن قوعامدىق سانانى جاڭعىرتۋ ماسەلەلەرىن عىلىمي ورتادا تالقىلاۋدى ماقسات ەتكەن كونفەرەنتسيا بارىسىندا ۋنيۆەرسيتەتتىڭ ستراتەگيالىق جانە كورپوراتيۆتىك دامۋ جونىندەگى پرورەكتورى ۋبايديللا داتحاەۆ اتالعان وقۋ ورنىنداعى نەگىزگى باسىمدىقتارعا توقتالىپ, باعدارالاما اياسىنداعى جۇمىستار بارىسىنا توقتالىپ ءوتتى.
الماتى قالاسىنىڭ جوعارى وقۋ ورىندارىنان ءال-فارابي اتىنداعى قازاق ۇلتتىق ۋنيۆەرسيتەتىنىڭ پروفەسسورى تۇرعانجان تولەباەۆ «رۋحاني جاڭعىرۋ جانە ۇلتتىق تاريحتى زەرتتەۋدىڭ مەتودولوگياسىن جاڭارتۋ» تاقىرىبىندا بايانداما جاساسا, اباي اتىنداعى قازۇپۋ پروفەسسورى جومارت سيمتيكوۆ ءوز بايانداماسىندا «رۋحاني جاعىرۋ كونتەكسىندەگى ۇلتتىق سانا ماسەلەسى» تۋرالى عىلىمي نەگىزدەرگە توقتالدى.
قازۇمۋ پروفەسسور-وقىتۋشى قۇرامىنان «قازاقستان تاريحى جانە الەۋمەتتىك-گۋمانيتارلىق پاندەر» كافەدراسىنىڭ دوتسەنتتەرى عاينيجامال رسالدينا «رۋحاني جاڭعىرۋ باعدارلاماسى اياسىندا لاتىنداندىرۋ ماسەلەسى», ماقپال جەكەباەۆا «تسيفرلى قازاقستان» — زاماناۋي تەحنولوگيالار جانە جاستار», «قوعامدىق دەنساۋلىق جانە دەنساۋلىق ساقتاۋ» كافەدراسىنىڭ دوتسەنتتەرى جانات قوجەكەنوۆا «قازاقستان رەسپۋبليكاسىنىڭ ازاماتتارىنىڭ دەنساۋلىعى ءۇشىن ورتاق جاۋاپكەرشىلىك», اقمارال ايتمانبەتوۆا «مەديتسينالىق ءبىلىم بەرۋدەگى يننوۆاتسيالىق جوبالار» تاقىرىبىندا وي ءبولىسىپ, «قازاقستان تاريحى جانە الەۋمەتتىك-گۋمانيتارلىق پاندەر» كافەدراسىنىڭ مەڭگەرۋشىسى زاۋرەش ناگايباەۆا كونفەرەنتسيا جۇمىسىنى قورىتىندىلادى.
رەسپۋبليكالىق عىلىمي-تاجىريبەلىك كونفەرەنتسياعا قاتىسۋشىلار باعدارلاما اياسىندا قازاقستاننىڭ جوعارى وقۋ ورىندارىمەن ىنتىماقتاستىقتى جالعاستىرۋ تۋرالى رەزوليۋتسيا قابىلداندى.
كونفەرەنتسياعا الماتى قالاسىنىڭ جوعارى وقۋ ورىندارى, دەنساۋلىق ساقتاۋ مەكەمەلەرى جانە جاستار ۇيىمدارىنىڭ وكىلدەرى قاتىستى. ۋنيۆەرسيتەت عىلىمي كىتاپحاناسى تاقىرىپ اياسىندا كىتاپ كورمەسىن ۇيىمداستىردى.
ەلۆيرا سەرىكقىزى,
«ەگەمەن قازاقستان»
الماتى