اتاۋى وزگەرگەن كوشەلەردىڭ ىشىندە بۇرىنعى كۋتۋزوۆ پەن لەنين كوشەلەرى دە بار. ەلىمىزدەگى ونوماستيكا كوميسسياسىنىڭ شەشىمىمەن لەنين كوشەسى استانا, كۋتۋزوۆ كوشەسى تاۋەلسىزدىك داڭعىلى دەپ وزگەرتىلدى.
وسى جىلدىڭ تامىز ايىندا ەلباسى جارلىعىمەن لەبياجى اۋدانى اققۋلى اۋدانى, كاچير اۋدانى تەرەڭكول اۋدانى بولىپ قايتا اتالدى
وبلىستىق مادەنيەت, ارحيۆتەر جانە قۇجاتتاما باسقارماسىنىڭ مالىمەتىنشە, الداعى جىلى دا وڭىردە مادەنيەت سالاسىندا, ءتىل, ونوماستيكالىق ماسەلەلەرگە قاتىستى وسىنداي بىرقاتار جۇمىستار اتقارىلادى.
بىراق, اتاۋلارى وزگەرگەن 72 كوشەنىڭ باسىم كوپشىلىگى -اۋدان ورتالىقتارىندا, شاعىن اۋىلداردا.
وبلىس ورتالىعىندا ەلدىك-ماقسات-مۇددەگە ساي وزگەرەتىن كوشە اتاۋلارى دا از ەمەس.
قازىر وبلىس ورتالىعىنداعى سۋۆوروۆ كوشەسىنە مالايسارى باتىردىڭ, ايمانوۆ-تورايعىروۆ كوشەلەرىنىڭ قيىلىسىنداعى كوشەگە بايان باتىردىڭ ەسىمىن بەرۋ جونىندە ۇسىنىستار قولداۋ تابۋدا.
وتكەنىنە ورالار جەر-سۋ, اۋىل, قالا اتاۋلارى بارىن دا ەسكەرەلىك.
ال, بۇل كۇندەرى جەلەزين اۋدانىنىڭ جەلەزين №3 ورتا ءبىلىم بەرۋ مەكتەبىنە مىرجاقىپ دۋلات ۇلىنىڭ, ەكىباستۇز قالاسىنىڭ م. گلينكا اتىنداعى بالالار مۋزىكا مەكتەبىنە ەستاي بەركىمباي ۇلىنىڭ ەسىمدەرىن بەرۋ تۋرالى شەشىم شىعارىلدى.
فاريدا بىقاي,
«ەگەمەن قازاقستان»
پاۆلودار