11 جەلتوقساندا يندۋستريالاندىرۋ كۇنى اياسىندا وتكەن تەلەكوپىردە مەملەكەت باسشىسى نۇرسۇلتان نازارباەۆتىڭ قاتىسۋىمەن ۇن تارتاتىن ديىرمەن ىسكە قوسىلدى, دەپ حابارلايدى اتىراۋ وبلىسىنىڭ وڭىرلىك كوممۋنيكاتسيالار قىزمەتى.
ۇن تارتاتىن ديىرمەن جوباسى اۋىل شارۋاشىلىعىن دامىتۋعا باعىتتالعان مەملەكەتتىك باعدارلامالار اياسىندا قولعا الىنعان. «تسيفرلى قازاقستان» باعدارلاماسى دا سەپتىگىن تيگىزدى, - دەيدى جوبا جەتەكشىسى راشيد وتاروۆ. -ديىرمەن قازىرگى زامانعى يتالياندىق جابدىقپەن قامتىلعان. باسقارۋ پروتسەسى تولىعىمەن اۆتوماتتاندىرىلعان. ء وندىرىستى پلانشەت ارقىلى باسقارۋعا بولادى.
ديىرمەن «داۋلەت» جەكەمەنشىك يندۋستريالىق ايماعىندا ورنالاسقان. كەشەننىڭ باستى باعىتى - نان جانە ماكارون ونىمدەرىن دايىندايتىن جوعارى جانە ءبىرىنشى سۇرىپتاعى ۇن الۋعا قاجەت بيدايدى وڭدەۋ. ۇنتاق جارما مەن كەبەك شىعارۋ دا جوسپاردا بار. مەكەمەنىڭ ماقساتى ازىق-ت ۇلىك جانە جەڭىل ونەركاسىپتەردە 100 پايىز قازاقستاندىق مازمۇندى دامىتۋ, وتاندىق تاۋار ءوندىرۋدى ۇلعايتۋ.
اتىراۋ وبلىسىنىڭ اكىمى نۇرلان نوعاەۆ تەلەكوپىر باستالعانعا دەيىن وندىرىسپەن تانىسىپ, مۇنداي جوبالار مۇنايلى ءوڭىر ءۇشىن ماڭىزدى ەكەنىن اتاپ ءوتتى. جەرگىلىكتى ساپالى ءونىم بولاشاقتا سىرتتان كەلەتىن اۋىل شارۋاشىلىعى تاۋارلارىمەن باسەكەگە تۇسە الادى.
جوبا باستاماشىلارىنىڭ ايتۋىنشا, وندىرىسكە قاجەت بيداي سولتۇستىك قازاقستاننان ساتىپ الىنادى. شىعارىلاتىن ءونىم قازاقستاننىڭ باتىس ءوڭىرىنىڭ قاجەتتىلىگىن تولىق جابادى. بولاشاقتا تمد جانە ازيا ەلدەرىنە ەكسپورتتاۋ جوسپارلانىپ وتىر.
جالپى قۇنى 4,4 ملرد تەڭگە بولاتىن جوبا جىلىنا 55 مىڭ توننا ءونىم شىعارادى.