قىزىلوردا وبلىسىنىڭ اكىمى قىرىمبەك كوشەرباەۆ مۇمكىندىگى شەكتەۋلى جانداردى قۇتتىقتاپ, اۆتوكولىكتىڭ كىلتىن تابىستادى.
«ەلباسى-ۇلت كوشباسشىسى ن.ءا.نازارباەۆتىڭ تاپسىرماسى بويىنشا مۇمكىندىگى شەكتەۋلى جاندارعا قامقورلىق – ەڭ ماڭىزدى ۇلتتىق ماسەلەلەردىڭ ءبىرى بولىپ تابىلادى. قازاقستان بىرىككەن ۇلتتار ۇيىمىنىڭ باس اسسامبلەياسىمەن قابىلدانعان مۇگەدەكتەردىڭ قۇقىقتارىن قورعاۋ كونۆەنتسياسىنا قول قويدى. ولاردىڭ ءومىر ءسۇرۋ ساپاسىن جاقسارتۋ ماقساتىندا 2013 جىلى ارنايى جول كارتاسى بەكىتىلدى. جول كارتاسىنا ءار ەكى جىل سايىن تولىقتىرۋلار مەن وزگەرىستەر ەنگىزىلىپ, ونى جۇزەگە اسىرۋعا بيۋدجەتتەن 23 ملرد. تەڭگەدەن استام قارجى ءبولىندى. «جول كارتاسىنا» سايكەس ءتيىستى جۇمىستار جۇرگىزىلۋدە. باستىسى, سىزدەردىڭ ءومىر سۇرۋگە دەگەن قۇشتارلىقتارىڭىز, جۇمىس جاساۋعا دەگەن ىنتالارىڭىز, جەتىستىككە جەتەم دەگەن جىگەرلەرىڭىز بولسا, الىنبايتىن قامال جوق!», دەدى وبلىس اكىمى.
ءىس-شارادا مۇمكىندىگى شەكتەۋلى بەلسەندى ازاماتتار – سپورتشىلار, انشىلەر مەن بيشىلەر, ەرىكتىلەر مەن كاسىپكەرلەر ماراپاتتالدى. دەنساۋلىعىنىنىڭ ناشارلىعىنا قاراماستان ولار ءوز وتباسىلارىن قامتاماسىز ەتىپ, رەسپۋبليكالىق جانە حالىقارالىق جارىستاردا جەڭىسكە جەتىپ, ءبىر-بىرىنە جانە باسقا دا ادامدارعا كومەك, قولداۋ كورسەتەدى. مىسالى, ساعاتبەك سۇيەۋوۆتىڭ جەتەكشىلىگىمەن «جىلى جۇرەك» ەرىكتىلەر توبى كىشكەنتاي قىزىلوردالىق قىزدىڭ وپەراتسياسىنا اقشا جيناۋعا كومەكتەستى. قالالىق قارتتار ۇيىنە جاڭا جىلدىق كەش جانە مەرەكەلىك ءىس-شارا ۇيىمداستىردى. سونداي-اق, ول «ەرەكشە بيلەر» جوباسى اياسىندا حورەوگرافيالىق توپ قۇرعان. امانگەلدى سۋحانبەرليەۆ – اقىن, جازۋشى, قازاقستاننىڭ قۇرمەتتى ءجۋرناليستى. سونىمەن قاتار, دەنساۋلىق ساقتاۋ سالاسىنىڭ ۇزدىگى, دەنساۋلىق ساقتاۋ سالاسىنىڭ جوعارى ساناتتى ۇيىمداستىرۋشىسى. كۇلپاش كۇنشىعاروۆا-ءانشى, بىرنەشە قالالىق جانە وبلىستىق بايقاۋلاردىڭ جۇلدەگەرى, بيىلعى جىلى ءوزىنىڭ شىعارماشىلىق كەشىن وتكىزدى.
شارادا جاتتىقتىرۋشىلار مەن جوبا دەمەۋشىلەرىنىڭ ەڭبەكتەرى ەرەكشە اتاپ ءوتىلدى.
باقتيار تايجان,
«ەگەمەن قازاقستان»
قىزىلوردا وبلىسى