«قايرات» افك ويىنشىلارى دۋگلاس جۋنيور مەن حوسسەين تايەبي «Umbro futsal awards» تۇجىرىمى بويىنشا الەمنىڭ ۇزدىك ويىنشىسى اتاعىنا ۇمىتكەرلەردىڭ وندىعىنا كىرگەن, دەپ حابارلايدى «SPORTINFORM».
ايتا كەتەيىك, 2018 جىلى دۋگلاس پەن تايەبي «قايراتتىڭ» قۇرامىندا قازاقستان چەمپيونى بولدى, سونداي-اق كلۋبتىڭ ءتورتىنشى رەت ەرەمەنكو كۋبوگىن يەلەنۋىنە اتسالىستى.
دۋگلاس قازاقستان قۇراماسىندا ويناپ ءجۇرىپ, ەۋروپا چەمپيوناتىنىڭ جارتىلاي فينالىنا جەتتى. تايەبي يران قۇراماسىنىڭ ازيا كەزەكتى چەمپيوناتىندا جەڭىسكە جەتۋىنە كومەكتەسىپ, بىرىنشىلىكتىڭ ۇزدىك ءبومبارديرى اتاندى.
ەسكە سالايىق, سوڭعى ءتورت جىلدا «جىلدىڭ ۇزدىك ويىنشىسى» نوميناتسياسىن پورتۋگالدىق ريكاردينيۋ يەلەنىپ كەلگەن ەدى. ايتا كەتكەن ءجون, «قايرات» افك تاعى ەكى وكىلى «Umbro futsal awards» «الەمنىڭ ۇزدىك قاقپاشىسى» (يگيتا) جانە «الەمنىڭ ۇزدىك كلۋبتىق جاتتىقتىرۋشىسى» (پاۋلو ريكاردو كاكا) نوميناتسياسىنا ۇمىتكەرلىك ەتۋدە.