«تۇرعىن ءۇي كوممۋنالدىق-شارۋاشىلىعىن جاڭعىرتۋ مەن دامىتۋدىڭ قازاقستاندىق ورتالىعى» اق قالالىق ينفراقۇرىلىمدى قارجىلاندىرۋدىڭ قازاقستاندىق باعدارلاماسىن بىرلەسىپ ازىرلەۋ ءۇشىن دۇنيەجۇزىلىك بانك وكىلدەرىمەن كەزدەستى. باعدارلاما ماقساتى – ازيا دامۋ بانكى مەن دۇنيەجۇزىلىك بانكتىڭ قاتىسۋىمەن جانە جەكە سەكتوردى تارتا وتىرىپ, تكش سەكتورى ءۇشىن ينۆەستيتسيالار تارتۋ تەتىگىن ازىرلەۋ بولىپ تابىلادى.
ەكى تاراپ باعدارلاماعا ودان ءارى قاتىسۋ ءۇشىن قازاقستان وڭىرلەرىنىڭ الەۋەتىن دامىتۋ جانە ارتتىرۋ قاجەتتىگىن اتاپ ءوتتى. وسىعان بايلانىستى دۇنيەجۇزىلىك بانكى كەڭەس بەرۋ, اكىمدىكتەردىڭ كرەديت قابىلەتتىلىگىن باعالاۋ, باعدارلامانىڭ تالاپتارىنا جاۋاپ بەرەتىن ينۆەستيتسيالىق جوبالار پورتفەلىن ازىرلەۋ سىندى باسقا دا تەحنيكالىق كومەك بەرۋ مۇمكىندىكتەرىن قاراستىرادى.
«تۇرعىن ءۇي-كوممۋنالدىق شارۋاشىلىعىنىڭ نەگىزگى ماسەلەسى وسى سالاداعى اشىقتىقتىڭ جەتىسپەۋشىلىگى مەن كوممۋنالدىق جەلىلەردىڭ ابدەن توزىعىنىڭ جەتكەنى بولىپ وتىر. ءبىز قازىر شەتەلدىك كومپانيالارمەن جانە حالىقارالىق قارجى ۇيىمدارىمەن بارىنشا بەلسەندى كەزدەسۋلەر وتكىزىپ وتىرمىز. جۇرگىزىلىپ جاتقان جۇمىستىڭ نەگىزگى ماقساتى – جاڭا تەحنولوگيالار ترانسفەرى, بيۋدجەتتەن تىس ينۆەستيتسيالاردى تارتۋ, قازاقستاننىڭ تۇرعىن ءۇي-كوممۋنالدىق سالاسىنىڭ ايقىندىلىعىن قامتاماسىز ەتۋ جانە ينۆەستيتسيالىق تارتىمدىلىعىن ارتتىرۋ», – دەدى «تكش قازورتالىعى» اق باسقارما توراعاسىنىڭ ءبىرىنشى ورىنباسارى ءادىلحان ومىرباەۆ.
دۇنيەجۇزىلىك بانك ينفراقۇرىلىمىن دامىتۋ جونىندەگى باعدارلامانىڭ جەتەكشىسى پول ۆاللەلي قازاقستاننىڭ قالالارى مەن ينفراقۇرىلىمىن دامىتۋ سەكتورىندا ۇسىنىلعان مىندەتتەر وتە ماڭىزدى ەكەنىن اتادى. جانە ولاردىڭ تابىستى شەشۋ ءۇشىن ءتيىستى رەفورمالاردى جۇرگىزۋدە جان-جاقتى قامتىلىپ, ەكشەلگەن ءارى تۇراقتى باعدارلاما قاجەت دەدى. ول سونداي-اق دۇنيەجۇزىلىك بانك تكش نورماتيۆتىك بازاسىن, مەنەدجمەنت ستاندارتتارىن جەتىلدىرۋ, كوممۋنالدىق كاسىپورىنداردىڭ ساپاسى مەن تيىمدىلىگىن ارتتىرۋ, جوبالاردى قارجىلاندىرۋدىڭ وڭتايلى جۇيەسىن قامتاماسىز ەتۋ جونىندەگى شارالار كەشەنىن قامتيتىن بالامالى باعدارلامانى قاراستىرۋعا دايىن ەكەنىن اتادى.
ءوز كەزەگىندە «تكش قازورتالىعى» اق وكىلدەرى قازاقستان ۇكىمەتى وسى سالانى دامىتۋ ءۇشىن ۇسىنىپ وتىرعان شارالار لەگى تۋرالى ءسوز قوزعادى. ولار تكش كەشەنىن تسيفرلاندىرۋدى, كوپ پاتەرلى تۇرعىن ۇيلەردى اسپاپتاندىرۋ باعدارلاماسى مەن وڭىرلەر اكىمدىكتەرىمەن بىرلەسىپ ىسكە اسىرىلاتىن جاڭا تەحنولوگيالاردى ەنگىزۋ جونىندەگى جوبالاردى قامتيدى.
تاراپتار ارىپتەستىكتى كۇشەيتۋگە كەلىستى جانە قر تۇرعىن ءۇي-كوممۋنالدىق سەكتورىن جاڭعىرتۋ سالاسىنداعى ىنتىماقتاستىقتى دامىتۋ ءۇشىن كەلەسى قادامداردى تالقىلادى.
ايناش ەسالي,
«ەگەمەن قازاقستان».
الماتى