بۇگىن ارمەنيادا كەزەكتەن تىس پارلامەنت سايلاۋى ءوتىپ جاتىر. سايلاۋعا توعىز پارتيا مەن ەكى بلوك قاتىسۋدا. ارمەنيا زاڭى بويىنشا پارلامەنتكە ءوتۋ ءۇشىن پارتيالار - 5%, بلوكتار - 7% داۋىس جيناۋى ءتيىس.
ارمەنياداعى كەزەكتەن تىس پارلامەنت سايلاۋىندا نيكول پاشينيان «مەنىڭ قادامىم» بلوگىمەن كوش باستاپ تۇر. ارمەنيا ورتالىق سايلاۋ كوميسسياسىنىڭ الدىن الا تاراتقان اقپاراتى وسى. ەرەۆان بالاباقشاسىنداعى سايلاۋ ۋچەسكەسىنە پاشينيان ايەلى جانە قىزدارىمەن بىرگە كەلدى.
سايلاۋعا 9 پارتيا مەن 2 بلوك قاتىستى. ونىڭ ىشىندە ەۋروپاداعى قاۋىپسىزدىك جانە ىنتىماقتاستىق ۇيىمىنان (ەقىۇ) 17 مىڭ باقىلاۋشى داۋىس بەردى
«وسى سايلاۋ توڭىرەگىندەگى احۋال باسقاشا جانە ءبىز مۇنى وتە جاقسى تۇسىنەمىز. بىراق ءبىز بەيتاراپ, تاۋەلسىز بولۋىمىز كەرەك جانە ەشقانداي ساياسي كوڭىل-كۇيگە بەرىلمەۋىمىز كەرەك», دەدى ەقىۇ باقىلاۋ كوميسسياسىنىڭ باسشىسى ۋرسۋلا گاچەك.
ارمەنيانىڭ جاڭا كونستيتۋتسياسى بويىنشا پارلامەنتتىك رەسپۋبليكا جانە ەل ازاماتتارى «بارقىت» توڭكەرىسىنەن كەيىن سايلانعان ۇلتتىق جينالىس ولاردىڭ ۇمىتتەرىن اقتايتىنىنا سەنەدى.
«مەن جاڭا پارلامەنتكە ءبىرىنشى كەزەكتە ارميانى سۇيەتىن پاتريوت ادامدار كىرەدى دەپ ۇمىتتەنەمىن. ارميان حالقى زاڭدى ساقتايدى», «مەن وزگەرىستەر كۇتەمىن. ەلدىڭ دامۋىنا الىپ كەلەتىن وزگەرىستەر», دەپ قاراپايىم حالىق پىكىر ءبىلدىرىپ جاتىر.
رەسپۋبليكاشىلداردى باسقاراتىن بۇرىنعى قورعانىس ءمينيسترى ۆيگەن سارگسيان سايلاۋ ۋچاسكەسىنە وتباسىمەن كەلدى. بيۋللەتەندى جاشىككە سالماس بۇرىن سايلاۋدان كەيىن ارميان قوعامىنىڭ برىكتىرىلەتىنىنەن ءۇمىتتى ەكەنىن جەتكىزدى. بۇرىنعى بيلەۋشى پارتيانىڭ پارلامەنتكە وتپەۋى مۇمكىن. رەسپۋبليكاشىلار داۋىس بەرۋ بارىسىندا زاڭ بۇزۋشىلىقتاردىڭ ورنىن العانىن مالىمدەدى. ەكىنشى ورىندا كاسىپكەر گاگيك تسارۋكياننىڭ «كوركەيگەن ارمەنيا» پارتياسى جانە ءۇشىنشى ورىندا «داشناكتسۋتيۋن» پارتياسى تۇر.