مەملەكەت باسشىسىنىڭ بىلتىرعى جىلى جارىق كورگەن «بولاشاققا باعدار: رۋحاني جاڭعىرۋ» باعدارلامالىق ماقالاسىنىڭ جالعاسى بولعان « ۇلى دالانىڭ جەتى قىرى» اتتى ماقالاسى ەرەكشە وي سالىپ, اسقاق شابىتىمىزدى وياتتى دەسەك بولادى. ەلباسى ءبىزدىڭ ەجەلگى مادەنيەتىمىزگە, ەجەلگى وركەنيەتىمىزگە ورالۋ, قايتىپ بارۋ كەرەك دەگەندى ايتىپ وتىر. سوناۋ التىن وردا داۋىرىنەن باستاپ قالىپتاستىرعان وركەنيەتىمىزدى قايتا وي ەلەگىنەن وتكىزىپ, جاڭعىرتۋعا باسا ءمان بەرىلگەنى قۋانتادى. ويتكەنى ءبىز جوقتان پايدا بولعان ەل ەمەسپىز. ءبىز ءۇش مىڭ عاسىرعا سوزىلعان ۇلى كوشپەندىلەر مادەنيەتىنىڭ تىكەلەي وسىنداعى وكىلىمىز, تۇرىك يمپەريالارىنىڭ ۇرپاعى بولىپ سانالامىز.
پرەزيدەنتىمىز بۇل ماقالادا اتقا وتىرۋ مادەنيەتىنەن باستاپ, ەجەلگى «اڭ ءستيلى» ونەرىن تىلگە تيەك ەتەدى. ۇلى جىبەك جولى – ء بىزدىڭ كەڭ-بايتاق جەرىمىزدەن ءوتىپ, دۇنيە ءجۇزىن بايلانىستىرعان الەمدەگى وركەنيەتتەردىڭ قالىپتاسۋىنا ايرىقشا ۇلەس قوسقان جول ەدى. تاريحي سانانى قايتا جاڭعىرتۋ جونىندەگى پىكىرىن ايتا كەلە, ناقتى جوبالاردى ويلاستىرۋعا يدەيا تاستاۋى, «ۇلت تاريحىن ساناعا ءسىڭىرۋ بارشا قازاقستاندىقتاردىڭ بويىندا ءوز باستاۋلارىنا دەگەن ورتاقتىق سەزىمىن قالىپتاستىرادى» دەگەن سەنىمى بارشامىزعا جاۋاپكەرشىلىك جۇكتەدى.
وتكەنىمىزدى بىلمەي, بولاشاعىمىزعا ءبىر قادام جاقىنداي المايتىنىمىز انىق. ءبىز وسىعان دەيىن ەكونوميكامىزدىڭ دامۋى, گۇلدەنۋى جولىندا ەڭبەك ەتسەك, ەندىگى جەردە ءتۇپ-تامىرىمىزعا قايتا كەلىپ, شىن مانىندەگى رۋحاني جاڭعىرۋعا اياق باستىق. كەشەگى ايتقان رۋحاني جاڭعىرۋ, ۇلتتىق كود يدەيالارىنىڭ جالعاسى بولعان ماقالامەن تولىق تانىسىپ, بارلىق تاراۋ-تارماقتارىن وقي كەلە, بۇل ماقالانىڭ جاريالانعانىنا قۋانىپ وتىرمىن.
سەرىك اقسۇڭقار ۇلى,
اقىن, قازاقستاننىڭ ەڭبەك سىڭىرگەن قايراتكەرى