استانادا تاۋلىك بويى جۇمىس ىستەيتىن كىتاپحانا اشىلدى

جاڭادان ىسكە قوسىلعان زالداردىڭ جالپى اۋدانى 10 000 شارشى مەتردەن اسادى. ينفراقۇرىلىمعا جاڭا كومپيۋتەرلىك بولمەلەر, مۋل­­تيمەديالىق كابينەتتەر, توپتىق جانە جەكە وقۋ سىنىپتارى, ينكليۋزيۆتى ءبىلىم بەرۋ جابدىقتارى, كونفەرەنتسيا زالدارى, دەمالۋى بولمەسى, اۋديو-ۆيزۋالدى ستۋديا مەن بالالار بولمەسى كىرەدى.

«نازارباەۆ ۋنيۆەرسيتەت» كىتاپحاناسىنىڭ بيبليوگرا­فيالىق-اقپاراتتىق قىزمە­تىنىڭ باسشىسى مادينا قاي­راتبەكقىزىنىڭ ايتۋىنشا, كى­تاپحانادا بۇعان دەيىن وقىرماندار ءۇشىن 2 زال عانا جۇمىس ىستەگەن. ەندى كىتاپ­حانا­نىڭ اۋقىمى تاعى 4 زالمەن تولىعىپ وتىر. 

«Science, Astana, Aliya, Quiet دەپ اتالاتىن جاڭا زال­دار ىسكە قوسىلدى. ستۋ­دەنت­­تەرىمىزدىڭ وسىنداي قو­سىم­شا مۇمكىندىكتەرگە يە بولعانىنا قۋانىشتىمىز. ولار بۇرىنعىداي كىتاپحانا­شى­لاردىڭ جۇمىس ىستەۋ ۋا­قىتىنا تاۋەلدى بولماي, ەندى 24 ساعات بويى وقۋ زالدارىنىڭ بارلىق مۇمكىندىكتەرىن پايدالانا الادى. ستۋدەنتتەر قاۋىمداستىعى تاراپىنان تاۋلىك بويى جۇمىس ىستەيتىن ارنايى زالدار بولسا دەگەن ۇسىنىستار ءتۇستى. باسشىلار جاس عالىمداردىڭ بۇل باستاماسىن قولداپ, ناتيجەسىندە وسىنداي جەتىستىككە جەتىپ وتىرمىز. ءبىز قازاقستاننىڭ 2050 جىلعا دەيىنگى دامۋ ستراتەگياسىنا سايكەس قازاق­ستاندىق كىتاپحا­ناشى­لاردىڭ بىلىك­تىلىگىن ارتتى­رىپ, كا­سىبي كىتاپحا­ناشىلاردىڭ قا­ۋىمداستىعىن قۇرۋدامىز», دەدى ءمادينا قايراتبەكقىزى سالتاناتتى شارانىڭ اشى­لۋىن­دا. 

كىتاپحانا بۇعان دەيىن تاڭ­ەرتەڭگى 8:30-دان كەشكى 22:00-گە دەيىنگى ارالىقتا جۇمىس ىستەدى. مۇندا ستۋدەنتتەر مەن وقىتۋشىلاردىڭ عىلىمي-زەرت­تەۋىنە ارنالعان قازاق, ورىس, اعىلشىن, تىلدەرىندە قىزمەت كورسەتىلەدى. مادەنيەت وشاعى حالىقارالىق ءبىلىم بەرۋ جۇيەسى مەن جاڭا تەحنيكالىق يننوۆاتسيالاردى ەنگىزە وتىرىپ, الەمدىك دەڭگەيدەگى كىتاپحانا بولۋدى كوزدەپ وتىر.

مارجان تىلەۋبەك,

«ەگەمەن قازاقستان»