دامير يسماعۇلوۆ جەڭىسكە جەتتى

ادەلايدا قالاسىندا وتكەن باسەكەگە ول قازاقتىڭ انىمەن جانە قازاقستان مەن رەسەيدىڭ تۋىن ۇستاپ شىقتى. وسى كۇنگە دەيىن التى جەكپە-جەك وتكىزىپ, بارلىعىندا جەڭىسكە جەتكەن جەرگىلىكتى سپورتشىالەكس گوردجەسكە قارسى كەزدەسۋ ءۇش راۋندقا سوزىلدى. باسەكەنىڭ باسىنان اياعىنا دەيىن وتە ساۋاتتى قيمىلداعان دامير كۇمانسىز جەڭىسكە جەتتى. قانداسىمىز تىك تۇرىپ ايقاسقاندا دا, كۇرەستە دە قارسىلاسىنا قاراعاندا الدەقايدا الىمدى كورىندى. بارلىق تورەشىلەر قازاقتىڭ قايسار ۇلىنىڭ مىقتىلىعىن ءبىراۋىزدان مويىندادى. ەسەپ – 30-25, 30-26 جانە 30-26.وسىلايشا, يسماعۇلوۆتىڭ ەسىمى الەمدەگى ەڭ ۇزدىك پروموۋشندە جەڭىسكە جەتكەن تۇڭعىش قازاق سپورتشىسى رەتىندە تاريحتا قالدى.

جارىس قارساڭىندا قوبالجىعانىم راس. قانشا دەگەنمەن, بۇل – مەنىڭ UFC-دەگى تۇساۋكەسەر كەزدەسۋىم عوي. ءبىر اپتا بويى دۇرىس ۇيىقتاي المادىم. جەرگىلىكتى اۋا-رايىنا دا بەيىمدەلۋ دە وڭاي بولمادى. سوعان قاراماستان كوزدەگەن ماقساتىما قول جەتكىزدىم. وسى جارىس بارىسىندا كوپتەگەن ادامدار «مىناۋ قاي ەلدىڭ تۋى؟» دەپ سۇراپ جاتتى. مەن كەڭ بايتاق قازاقستاننىڭ بايراعى دەپ ايتتىم. ەڭ باستىسى, ەندى ولار قازاقتىڭ جىگىتتەرى قانشالىقتى قايراتتى ەكەنىن بىلەتىن بولادى, – دەيدى دامير.

ەستەرىڭىزگە سالا كەتەيىك, 27 جاستاعى دامير يسماعۇلوۆتىڭ وسى سپورت ءتۇرىن سەرىك ەتكەلى ءتورت جىلدان ەندى استى. سول ۋاقىت ارالىعىندا ول 19 مارتە ايقاس الاڭىنا شىعىپ, 17 رەت جەڭىس تويىن تويلادى. 10 باسەكەنى مەرزىمىنەن بۇرىن اياقتادى. قازاق سپورتشىسى كەزىندە رەسەيدىڭ م-1 Global نۇسقاسى بويىنشا چەمپيوندىق بەلبەۋدى يەلەندى.

عالىم سۇلەيمەن,

«ەگەمەن قازاقستان»