قوستانايدا «قازپوشتانىڭ» تسيفرلاندىرىلعان كەڭسەسى اشىلدى

«قازپوشتا» «تسيفرلى قازاقستان» باعدارلاماسىنا بەلسەندى اتسالىسىپ وتىر. بىزدە, ادەتتە, مۇنداي بولىمدەردە 20 وپەراتور قىزمەت كورسەتۋى ءتيىس ەدى. ال مىنا زاماناۋي تسيفرلى كەڭسەدە بار بولعانى 2 كەڭەسشى عانا بولادى. الداعى ۋاقىتتا ادامدار جابدىقتاردى, كومپيۋتەرلەردى وزدەرى پايدالانىپ ۇيرەنگەندە مۇنداي كەڭسەلەردە ەشقانداي قىزمەتكەر وتىرمايدى, بارلىق كەڭەستى روبوت بەرەدى جانە ادامدار وزىنە ءوزى قىزمەت ەتەدى» دەدى ساكەن سارسەنوۆ.

تسيفرلىق كەڭسەدە اگەنتتىك جانە قارجىلىق قىزمەتتەردىڭ بارلىعى كورسەتىلەدى. ەگەر ادام بانكتەن ءوزىنىڭ اتىنا كارتا الاتىن بولسا, ول ءبىر اپتانىڭ ىشىندە دايىن بولاتىن. ال «قازپوشتانىڭ» زاماناۋي كەڭسەسىنەن ونداي كارتانى بەس مينۋتتا الا الادى. سونىمەن قاتار وزىندە تولەم كارتاسى بولماي قالعان جاعدايدا ەكى مينۋتتا ساۋساق تاڭباسى ارقىلى ونى الىپ, اقشاسىن شەشۋىنە بولادى. مۇنداي تسيفرلى 5 كەڭسە ەلىمىزدىڭ ءتورت قالاسىندا قىزمەتىن باستادى. مىنە, قوستانايدا التىنشى كەڭسە اشىلدى.

ساكەن سارسەنوۆ ارحيمەد مۇحامبەتوۆكە تسيفرلى كەڭسەنىڭ ەرەكشەلىكتەرىن كورسەتىپ تانىستىردى. روبوتتى ىسكە قوستى, باسقا دا جىلدام قىزمەت ەتەتىن جابدىقتاردى كورسەتتى. قازاقستاندا پوشتا قىزمەتىنىڭ جاڭا فورماتقا كوشكەنىن ايتتى. جاڭا وفيستە پوشتا قىزمەتى كورسەتىلۋمەن قاتار, ول سالەمدەمەلەر سۋپەرماركەتى بولىپ تابىلادى. ساكەن سارسەنوۆتىڭ ايتۋىنشا, قوستانايعا كۇن سايىن 3,5 مىڭ سالەمدەمە كەلەدى. وتكەن جىلى بۇل 1,5 مىڭ بولاتىن.

«مۇنىڭ بارلىعى ەلباسى ساياساتىنىڭ ارقاسىندا «تسيفرلى قازاقستان» باعدارلاماسى اياسىندا مۇمكىن بولىپ وتىر. تسيفرلاندىرۋ قازىر ءومىردىڭ بارلىق سالاسىندا جەدەل ەنگىزىلىپ جاتىر. مىنە, «قازپوشتا» قىزمەتىندە ونىڭ قانشالىقتى جىلدامدىعىن كوردىك. مۇنىڭ حالىققا يگىلىگى كوپ. سىزدەرگە بارلىق قوستانايلىقتار اتىنان راحمەت ايتامىن» دەدى ارحيمەد بەگەجان ۇلى.

امبەباپ تسيفرلى پوشتا كەڭسەسى كۇنىنە 700 ادامعا قىزمەت كورسەتە الادى.

ءنازيرا جارىمبەت,

«ەگەمەن قازاقستان»

قوستاناي