ەلىمىزدە تۇرعىندار سانى 2 مىڭنان اساتىن اۋىلدىق اۋماقتاردا بيىل جەرگىلىكتى ءوزىن-ءوزى باسقارۋدىڭ بيۋدجەتى بەكىتىلدى.
بىراق, جەرگىلىكتى ءوزىن-ءوزى باسقارۋ بيۋدجەتىن ەنگىزۋ بويىنشا اكىمدەردىڭ ءبىرتالاي جاۋاپسىز قالعان سۇراقتارى دا بار. وسى ماقساتتا مەملەكەتتىك باسقارۋ اكادەمياسى ەلىمىزدە «ايماقتىڭ دامۋىنا باعىتتالعان جەرگىلىكتى ءوزىن-ءوزى باسقارۋ جۇيەسىنىڭ ترانسفورماتسياسى» تاقىرىبىندا بيۋدجەتتىڭ 4-ءشى دەڭگەيىن ەنگىزگەن 1062 اۋىلدىق اۋماق اكىمدەرى ءۇشىن سەمينار وتكىزبەك.
ەلىمىزدەگى پرەزيدەنت جانىنداعى مەملەكەتتىك باسقارۋ اكادەمياسىنىڭ وبلىستىق فيليالىندا 32 اۋىلدىق اۋماق اكىمدەرى ءۇشىن وقىتۋ سەمينارى ۇيىمداستىرىلۋدا.
فيليال ماماندارىنىڭ ايتۋلارىنشا, بيۋدجەتتىڭ 4-ءشى جەكە دەڭگەيىنە وتكەن اۋىلدىق اۋماقتار اكىمدەرىنە ارنالعان سەمينار وتە وزەكتى. اۋىل اكىمدەرى جوبالىق مەنەدجمەنتتى قالاي جاساۋ كەرەكتىگىن ۇيرەنۋدە.
سەمينارلاردا تالىمگەرلەرىمەن, مەملەكەتتىك باسقارۋ جانە وبلىستىق باسقارمالار ساراپشىلارىمەن اۋىلدارعا ارناپ جوبالار جاسالادى.
اكىمدەر جوبالارىن تالقىلاۋعا مۇمكىندىك الىپ, ونى ناقتى قورعاپ شىعا الادى. جوبالار تاجىريبە جۇزىندە ىسكە اسىرىلادى.
سەمينار ناتيجەسىندە قاتىسۋشىلار بيۋدجەتتىك ءۇردىس پەن كوممۋنالدىق مەنشىكتى باسقارۋ, ۆەدومستۆولىق اكىمشىلىك-اۋماقتىق بىرلىكتىڭ سالىقتىق الەۋەتىن ەسكەرە وتىرىپ كىرىس بازاسىن قۇرۋ بويىنشا تاجىريبەلىك ساباقتارىن وقىپ ۇيرەنۋدە.
مىسالى, بەلگىلى ءبىر اۋىلدىق اۋماقتىڭ نەگىزگى الەۋمەتتىك ماسەلەلەرىن شەشۋگە باعىتتاعان 32 جوبا جاسالدى.
بيىل مەملەكەتتىك باسقارۋ اكادەمياسىنىڭ فيليالى بىرنەشە سەمينار وتكىزدى. ولاردىڭ بارىسىندا مەملەكەتتىك بيۋدجەتتىڭ ءتورتىنشى دەڭگەيىن ەنگىزۋ ۇردىستەرى زەرتتەلدى. باياناۋىلدا وتكەن سەمينارعا باياناۋىل, ماي, شارباقتى, اققۋلى اۋداندارى مەن اقسۋ, ەكىباستۇز قالالارىنان بارعان 50 اكىمى قاتىسىپ قايتتى.
وبلىس اكىمدىگى اپپاراتىنىڭ باستاماسىمەن بيىل 12-13 قاراشا ارالىعىندا بيۋدجەتتىڭ 4-ءنشى دەڭگەيىن ەنگىزگەن 67 اۋىلدىق اۋماق اكىمدەرىمەن «جەكە بيۋدجەتتى قۇرۋ. اكىمشىلىك ايىپپۇل سالۋدىڭ ءتارتىبى» تاقىرىبى بويىنشا كەڭەيتىلگەن سەمينار وتكىزىلدى.
فاريدا بىقاي
«ەگەمەن قازاقستان»
پاۆلودار
سۋرەتتى تۇسىرگەن: ۆالەري بۋگاەۆ