«نۇر وتان» پارتياسىنىڭ قاتارىنا قابىلداۋ ءراسىمى ءوتتى

ءىس-شاراعا پارتيا حاتشىلارى قاتىستى. بارشا قاتىسۋشىلاردى تۇڭعىش پرەزيدەنت كۇنىمەن قۇتتىقتاعان پارتيا حاتشىسى تامارا دۇيسەنوۆا مەرەكەنىڭ ءمانى مەن ماڭىزى تۋرالى ايتىپ ءوتتى.

– تاۋەلسىز قازاقستان حالقى وسىدان 27 جىل بۇرىن ءوزىنىڭ تۇڭعىش پرەزيدەنتىن سايلاپ, ءوز تاڭداۋىن جاسادى. ەلىمىزدىڭ بۇگىنگى جەتىستىكتەرىنە قاراپ سول كەزدە قازاقستاندىقتاردىڭ قاتەلەسپەگەنىن اڭعارۋ قيىن ەمەس. ءبىز ازاتتىقتىڭ 27 جىلىندا ەلباسىمىزدىڭ ساياساتىنىڭ ارقاسىندا اۋىز تولتىرىپ ايتارلىقتاي جەتىستىكتەرگە جەتتىك. حالىقارالىق ارەنادا دا ءوز ورنىمىزدى ايقىنداپ, ۇلكەن ابىروي-بەدەلگە يە بولدىق. سوندىقتان ەلباسىنىڭ ەلگە سىڭىرگەن ەڭبەگىن دارىپتەيتىن بۇگىنگى مەرەكەنىڭ ءمانى مەن ماڭىزى زور, – دەدى تامارا دۇيسەنوۆا.

بۇگىن نۇروتاندىق اتانعانداردىڭ قاتارىندا بەلگىلى جۋرناليست, «قازاق راديولارى» جشس-نا قاراستى «قازاق راديوسى» رەسپۋبليكالىق راديوارناسىنىڭ ديرەكتورى سەرىك ابدۋاليەۆ تە بار. ول ەلباسى كۇنى قارساڭىندا پرەزيدەنت پارتياسىنىڭ مۇشەسى اتانۋىن ۇلكەن قۋانىشقا بالايتىنىن ايتتى.

– قازاقتا «ەكى دۇنيەڭ ابات بولسىن, ەكى تويىڭ قابات بولسىن» دەگەن ءسوز بار. سول سياقتى بۇگىن مەن ءۇشىن بىردەي قۋانىش قاتار كەلىپ وتىر. ناقتى ايتسام, ەلىمىزدى الەمدىك بيىككە كوتەرىپ, كوشىمىزدى باستاعان تۇڭعىش پرەزيدەنتىمىزدىڭ كۇنىندە وسىنداي ۇلكەن قۇرمەتكە بولەنىپ, ەلباسىمىزدىڭ بارلىق ساياساتىن دارىپتەپ, سەنىمدى تىرەگى بولىپ وتىرعان «نۇر وتان» پارتياسىنىڭ مۇشەسى اتانىپ وتىرمىن. بۇل مەن ءۇشىن ۇلكەن ابىروي ءارى زور جاۋاپكەرشىلىك. سوندىقتان الداعى ۋاقىتتا ەلباسى باستامالارىنىڭ جۇزەگە اسىرىلۋىنا ءوز ۇلەسىمدى قوسۋ ءۇشىن ايانباي ەڭبەك ەتەمىن, – دەدى سەرىك ابدۋاليەۆ.

سونىمەن قاتار بۇگىن «بولاشاق» باعدارلاماسىنىڭ تۇلەگى, قوعام بەلسەندىسى, كاسىپكەر, «ميراس-2000» جشس-نىڭ ديرەكتورى دالەل جۇزباەۆ, «بولاشاق» باعدارلاماسىنىڭ تۇلەگى, اقتوبە قالاسىنداعى نازارباەۆ زياتكەرلىك مەكتەبى ديرەكتورىنىڭ ورىنباسارى ارنۇر مادەنوۆ, PhD دوكتورى, ءى.جانسۇگىروۆ اتىنداعى جەتىسۋ مەملەكەتتىك ۋنيۆەرسيتەتىنىڭ كافەدرا مەڭگەرۋشىسى ەلميرا باجەنوۆا, «الەۋمەتتىك دامۋ قورى» قوعامدىق قورىنىڭ ديرەكتورى, الەۋمەتتىك سالادا بەلسەندىلىگىمەن تانىلعان اياجان كوجەكوۆا, «قازاقستاننىڭ 100 جاڭا ەسىمى-2017» جوباسىنىڭ جەڭىمپازى, اقىن ەرجان جۇمابەكوۆ, تاراز مەملەكەتتىك پەداگوگيكالىق ۋنيۆەرسيتەتىنىڭ رەكتورى ەرجان امىربەك ۇلى, «ورال ترانسفورماتور زاۋىتى» جشس-نىڭ باسقارۋشى ديرەكتورى اقجول ساۋرانباەۆ, «تەمىرتاۋ ەلەكترومەتاللۋرگيالىق كومبيناتى» اق باسقارما توراعاسىنىڭ ورىنباسارى يۆان لەننوۆ, «چوسون» كورەي ەتنومادەني بىرلەستىگىنىڭ مۇشەسى, «B Tim Enterprises» جشس-نىڭ ديرەكتورى الەنا كيم, «ازيا-بيپەك-اۆتو» كومپانياسىنىڭ پاۆلودارداعى فيليالىنىڭ ديرەكتورى ايدىن ەلەمەسوۆ, «وڭتۇستىكفيلم» مەملەكەتتىك كوممۋنالدىق كاسىپورنىنىڭ ديرەكتورى باتىرحان داۋرەنبەكوۆ, اۋىل شارۋاشىلىعى سالاسىنىڭ ۇزدىگى, «اگرو-ەسىل» جشس-نىڭ ديرەكتورى سەرگەي دوماەۆ, جاستارعا ارنالعان «حا-حا شوۋ» ءازىل-سىقاق جوباسىنىڭ رەزيدەنتى جانە باس ديرەكتورى اقسۇلتان قاليەۆ, «قازاقستاننىڭ 100 جاڭا ەسىمى-2017» جوباسىنىڭ جەڭىمپازى, «قازاقستان تەمىر جولى» ۇلتتىق كومپانياسى» اق-نىڭ باس ينجەنەرى باتىر قوتىروۆ, «بولاشاق» باعدارلاماسىنىڭ تۇلەگى, «اتامەكەن» ۇلتتىق كاسىپكەرلىك پالاتاسى باسقارما توراعاسىنىڭ ورىنباسارى ولجاس ورداباەۆ, «قازاقستاننىڭ 100 جاڭا ەسىمى-2017» جوباسىنىڭ جەڭىمپازى, «بولاشاق» باعدارلاماسىنىڭ تۇلەگى, رەجيسسەر, ستسەناريست ايديە ايداربەكوۆ, قازاقستان رەسپۋبليكاسى ادىلەت ءمينيسترىنىڭ ورىنباسارى ەلۆيرا ءازىموۆا, «شەكاراسىز سپورت» جوباسىنىڭ جەتەكشىسى, مۇمكىندىگى شەكتەۋلى جاندارعا ارنالعان «Blind Race Astana-Paris» ۆەلومارافونىنىڭ ۇيىمداستىرۋشىسى باقتيار بازاربەكوۆ, سونداي-اق, بەلگىلى كاسىپكەر, «قاعانات» اسحانالار جەلىسىنىڭ نەگىزىن قالاۋشى جانە يەگەرى شىنار بۇگىمباەۆا «نۇر وتان» پارتياسىنىڭ مۇشەسى اتاندى.

ايتا كەتەيىك, بۇل كۇنى جىلداعى ءداستۇر بويىنشا تۇڭعىش پرەزيدەنت كۇنىنە وراي ەلىمىزدىڭ بارلىق وڭىرىندە پارتياعا قابىلداۋ ءراسىمى وتكىزىلدى.سونىڭ ناتيجەسىندە 2 مىڭنان استام قازاقستاندىققا پارتيالىق بيلەتتەرى سالتاناتتى جاعدايدا تاپسىرىلدى.