ماڭعىستاۋ وبلىسىنداعى اگروونەركاسىپتىك كەشەندى دامىتۋدىڭ 2017-2020 جىلدارعا ارنالعان مەملەكەتتىك باعدارلاماسىن ىسكە اسىرۋ بارىسى تۋرالى اۋىل شارۋاشىلىعى باسقارماسىنىڭ باسشىسى سەرىك قالدىعۇل باياندادى.
قازىرگى ۋاقىتتا اۋىل شارۋاشىلىعىنىڭ جالپى ءونىمىنىڭ كولەمى 12 996,2 ملن.تەڭگەنى قۇرايدى. ناقتى كولەم يندەكسى 103,5% قۇرادى. 2018 جىلى مال باسى 2017 جىلمەن سالىستىرعاندا 8% ارتىپ, 564 911 باستى قۇرادى. جالپى ەگىس كولەمى-1118,5 گەكتار. 800 گا جەرگە كوكونىس جانە باقشا داقىلدارى ءۇشىن تامشىلاتىپ سۋارۋ جۇيەسى ەنگىزىلدى. قازاقستان رەسپۋبليكاسىنىڭ اگروونەركاسىپتىك كەشەنىن دامىتۋدىڭ 2017-2021 جىلدارعا ارنالعان مەملەكەتتىك باعدارلاماسىن ىسكە اسىرۋ ءۇشىن رەسپۋبليكالىق بيۋدجەتتەن 2018 جىلعا 1 244 089 ملن.تەڭگە ءبولىندى. ونىڭ ىشىندە 821 837 200,0 تەڭگە «اۋىل شارۋاشىلىعىن قارجىلاي قولداۋ قورى» اق-نا جانە 422 251 800,0 تەڭگە «اگرارلىق نەسيە كورپوراتسياسى» اق-نا ءبولىندى. بۇگىنگى كۇنى بولىنگەن قاراجاتتىڭ 95% يگەرىلدى. سونىمەن قاتار, «باستاۋ بيزنەس» باعدارلاماسى اياسىندا 1056 ادام وقىپ, سەرتيفيكات العان.
تۇرعىن ءۇي-كوممۋنالدىق شارۋاشىلىعى سالاسىن تسيفرلاندىرۋ تۋرالى ەنەرگەتيكا جانە تۇرعىن ءۇي-كوممۋنالدىق شارۋاشىلىق باسقارماسىنىڭ باسشىسى جاندوس ءسالىموۆتىڭ بايانداۋىنشا, تۇرعىن ءۇي-كوممۋنالدىق سالانى تسيفرلاندىرۋ بويىنشا جول كارتاسىنا سايكەس تۇكش-ءتىڭ تسيفرلانعان مالىمەتتەرىن «ە-شاڭىراق» اقپاراتتىق جۇيەسىنە 2022 جىلعا دەيىن ەنگىزۋ مىندەتى قويىلعان. اقتاۋدا وسى اقپاراتتىق جۇيەگە 73 ءۇي قوسىلعان. 2022 جىلدىڭ سوڭىنا دەيىن بارلىعى 1621 ءۇيدى قوسۋ جوسپاردا.
-مالىمەتتەردى اقپاراتتىق جۇيەگە ونلاين رەجيمدە بەرە الاتىن 1689 ۇيگە ورتاق ەسەپتەۋ قۇرالى ورناتىلدى. ەسەپتەۋ قۇرالدارىن ورناتۋ تۇرعىندارعا 156,1 ملن. تەڭگەگە دەيىن, ال كاسىپورىندارعا 8,34 مىڭ گكال جىلۋ ۇنەمدەۋگە مۇمكىندىك بەرەدى. اقتاۋ قالاسىنىڭ كوپ پاتەرلى تۇرعىن ۇيلەرىنە ەلەكتروندى پاسپورتتار ازىرلەۋ جوباسىنا - 19,2 ملن تەڭگە ءبولىنىپ, ناتيجەسىندە 100 تۇرعىن ءۇيدىڭ ەلەكتروندىق پاسپورتتارى ازىرلەندى. سونىمەن قاتار, ءاربىر تۇرعىن ۇيگە QR-code تاقتايشالارىن ورناتۋ جۇمىستارى جۇرگىزىلۋدە. ول ارقىلى, باسقارۋشى كومپانيا تۋرالى, ديسپەتچەرلىك قىزمەتتىڭ بايلانىس تەلەفوندارى, ەلەكتريك, سلەسار, قولداۋ پۋنكتى, ءۇي تۋرالى تولىق اقپاراتتى الۋعا مۇمكىندىك بەرەدى, دەدى جاندوس ءسالىموۆ.
گۇلايىم شىنتەمىرقىزى,
«ەگەمەن قازاقستان»
ماڭعىستاۋ وبلىسى