ماڭعىستاۋ وبلىسى بويىنشا تابيعي مونوپوليالاردى رەتتەۋ جانە باسەكەلەستىكتى قورعاۋ دەپارتامەنتى باسشىسىنىڭ مىندەتىن اتقارۋشى باقىت بەكمۇراتوۆ كوممۋنالدىق قىزمەتتەردى تومەندەتۋ ماقساتىندا تابيعي مونوپوليا سۋبەكتىلەرىنىڭ تاريفتىك سمەتالارى مەن ينۆەستيتسيالىق باعدارلامالارىن تالداۋ بويىنشا جۇرگىزىلگەن جۇمىستاردىڭ قورىتىندىسى تۋرالى باياندادى.
قازىرگى ۋاقىتتا قر ەنەرگەتيكا جانە ۇلتتىق ەكونوميكا مينيسترلىكتەرىندە تاۋارلىق گاز ءتاريفى 10% - عا تومەندەيدى دەپ كۇتىلۋدە. بۇل جاعدايدا «ماەك» جشس ەلەكتر ەنەرگياسىن وندىرۋگە ءتاريفتىڭ 11% - عا تومەندەۋى بولادى, ول وبلىستىڭ 671,3 مىڭ تۇرعىنىن قامتيدى. «مرەك» اق تاريفتىك سمەتاسىن وڭتايلاندىرۋ ەسەبىنەن 326,3 مىڭ تۇرعىندى قامتي وتىرىپ, حالىققا ەلەكتر ەنەرگياسىن بەرۋدى 50% - عا تومەندەتۋ جوسپارلانۋدا. حالىق ءۇشىن ەلەكتر ەنەرگياسىنا ورتاشا ءتاريفى 14,7% قۇرايتىن بولادى.
-سونداي-اق, « كاسپي سۋ تۇششىتۋ زاۋىتى» جشس اۋىز سۋ ءوندىرۋ بويىنشا 150,0 مىڭ ادامدى قامتي وتىرىپ, تاريف باعاسى 7% - عا تومەندەيدى دەپ كۇتىلۋدە. ماڭعىستاۋ اۋدانىنىڭ 7,2 مىڭ تۇرعىنىن قامتي وتىرىپ, «كازۆودحوز» رمك ءتاريفىنىڭ حالىق ءۇشىن 5% - عا تومەندەۋى كۇتىلۋدە. «كجسا» مكك تاريفتىك سمەتاسىن وڭتايلاندىرۋ ەسەبىنەن جىلۋ ەنەرگياسىنا تاريف 3% - عا تومەندەيدى, ول 200,0 مىڭ ادامدى قامتيدى. «كجسا» مكك ىستىق سۋ بەرۋ بويىنشا تاريف 5,3% - عا تومەندەپ, 200,0 مىڭ ادامدى قامتيدى. «وزەنجىلۋ» مكك جىلۋ ەنەرگياسى بويىنشا ءتاريفى 0,89% - عا تومەندەپ, 150,0 مىڭ ادامدى قامتيدى, دەدى باقىت بەكمۇراتوۆ.
بۇگىنگى كۇنى ماڭعىستاۋ وبلىسى بويىنشا تمرجبقك ۋاكىلەتتى ورگانىمەن ينۆەستيتسيالىق جانە وپەراتسيالىق شىعىنداردى قايتا قاراۋدى جۇزەگە اسىرۋ جانە بارلىق تابيعي مونوپوليالار سۋبەكتىلەرىن تىڭداۋ جۇمىستارى جۇرگىزىلۋدە.
گۇلايىم شىنتەمىرقىزى,
«ەگەمەن قازاقستان»
ماڭعىستاۋ وبلىسى