اقتاۋدا «انا مەن بالا» ورتالىعى قولدانىسقا بەرىلدى

جالپى اۋدانى 28 000 شارشى مەتردى قۇرايتىن جاڭا ورتالىق جەتى بلوكتان تۇرادى. ول 250 ورىنعا ارنالعانجانەزاماناۋي تالاپتارعا سايكەس ماتەريالدىق تەحنيكالارمەن جابدىقتالعان. مۇندا جۇكتى ايەلدەرگە, بوساناتىن ايەلدەرگە جانە جوعارى قاۋىپتى توپتاعى بوسانعان ايەلدەرگە, جاڭا تۋعان نارەستەلەرگە, شالا تۋعان جانە سالماعى از بالالارعا مامانداندىرىلعان جانە جوعارى مامانداندىرىلعان اكۋشەرلىك-گينەكولوگيالىق جانە نەوناتالدىق, مەديتسينالىق-سانيتارلىق جانە كونسۋلتاتسيالىق دياگنوستيكالىق كومەك كورسەتىلەدى.

-ەڭ الدىمەن بارلىعىڭىزدى تۇڭعىش پرەزيدەنت كۇنى مەرەكەسىمەن شىن جۇرەكەتن قۇتتىقتايمىن. بۇگىنگى اشىلعان ورتالىقتىڭ نەگىزگى ماقساتى وبلىس تۇرعىندارىنا ساپالى مەديتسينالىق قىزمەت كورسەتۋ, حالىقتىڭ مەديتسينالىق كومەككە قولجەتىمدىلىگىن ارتتىرۋ بولىپ تابىلادى. مۇنداعى بىلىكتىلىگى جوعارى مەديتسينا قىزمەتكەرلەرى تۇرعىندارىمىزعا ساپالى قىزمەت كورسەتىپ, حالىقتىڭ دەنساۋلىعىن جاقسارتۋ ماقساتىندا ايانباي قىزمەت جاسايدى دەپ سەنەمىن. بارشاڭىزدى تاعى دا قازىرگى زامانعى تالاپتارعا ساي سالىنعان جاڭا «انا مەن بالا» ورتالىعىنىڭ اشىلۋىمەن شىن جۇرەكتەن قۇتتىقتاي وتىرىپ, سىزدەرگە مىقتى دەنساۋلىق, ەڭبەكتە تابىس, وتباسى باقىتى مەن بەرەكەسىن تىلەيمىن! دارىگەرلىك انتتارىڭىزعا ادال بولىپ, حالىقتىڭ العىسىنا بولەنە بەرىڭىزدەر! دەدى ايماق باسشىسى ورتالىقتىڭ اشىلۋ سالتاناتىندا.

گۇلايىم شىنتەمىرقىزى,

«ەگەمەن قازاقستان»

ماڭعىستاۋ وبلىسى