«ارسەلورميتتال تەمىرتاۋ» اق كومىر دەپارتامەنتىنە قاراستى «ساران» شاحتاسىنىڭ كەنشىلەرى ءبىر جىلدىق بيزنەس-جوسپارىن مەرزىمىنەن بۇرىن ورىنداپ, 1 735 000 توننا كومىر ءوندىردى.
بۇل – شاحتا تاريحىنداعى ەڭ ۇزدىك كورسەتكىش بولىپ وتىر.
– جىل وتكەن سايىن ءبىزدىڭ كورسەتكىشتەرىمىز جاقسارىپ كەلەدى. شاحتانىڭ قۇرىلعىلارى جاڭارتىلۋدا. قازىر ءبىز زاماناۋي جوعارى تەحنولوگيالى كەشەندەرمەن, گەرمانيادا جاسلاعانSL300 كومباينىمەن جۇمىس ىستەيمىز, –دەيدى«ساران» شاحتاسىنىڭ ديرەكتورى دەنيس دىموۆ.
سونداي-اق, كەنشىلەردىڭ جوسپارىندا 2018 جىلدىڭ 31 جەلتوقسانىنا دەيىن تاعى دا 100 000 توننا كومىر شىعارۋ بار.
«قارا التىننىڭ» كوپتەن كۇتكەن سوڭعى توننالارىن №1 ۋچاسكە باستىعى پاۆەل نەزناموۆ جەتەكشىلىك ەتەتىن ۇجىم ءوندىردى. بريگادا جەر بەتىنە ءداستۇرلى تۇردە كومىر كەسەگىن الىپ شىقتى.
وسى وقيعا قۇرمەتىنە شاحتادا بالالار ءۇيىنىڭ تاربيەلەنۋشىلەرى ءۇشىن مەرەكەلىك شارا ۇيىمداستىرىلىپ, كەنشىلەر بالالارعا جاڭا جىلدىق سىيلىقتار تابىس ەتتى.
1955 جىلدان بەرى كومىر وندىرەتىن «ساران» شاحتاسىندا قازىرگى تاڭدا 1400-دەن استام ادام جۇمىس ىستەيدى.
قايرات ءابىلدا,
«ەگەمەن قازاقستان»
قاراعاندى وبلىسى