شۆەتسيانىڭ مالميو قالاسىندا جەكپە-جەك سپورتىنىڭ دجيۋ-دجيتسۋ تۇرىنەن وتكەن الەم چەمپيوناتىندا قاراعاندىلىق نۇرجان سەيدۋالى تابىستى ونەر كورسەتتى. 55 ەلدىڭ 3 مىڭعا تارتا سپورتشىسى قاتىسقان دودادا جەرلەسىمىز 56 كيلو سالماق دارەجەسىندە كۇمىس جۇلدەگە قول جەتكىزدى.
قاراعاندىلىق سپورتشى ءبىرىنشى جەكپە-جەگىندە وڭتۇستىك كورەيادان كەلگەن قارسىلاسىن ۇپاي سانىمەن جەڭدى. كەلەسى كەزەڭدە ول قازاقستان قۇراماسىنىڭ مۇشەسى قۋاندىق قونىسوۆپەن كۇش سىناسىپ, ونى 6:4 ەسەبىمەن تىزە بۇكتىردى. ال فينالدىق ايقاستا نۇرجان سەيدۋالى بىرىككەن اراب امىرلىگى قۇراماسىنىڭ سپورتشىسىنان ەسكەرتۋ سانى بويىنشا جەڭىلۋگە ءماجبۇر بولدى.
الەم چەمپيوناتىنىڭ سۋ جاڭا كۇمىس جۇلدەگەرى «شۇباركول كومىر» اق كومىر رازرەزىندە ۋچاسكەلىك ماركشرەيدەر بولىپ جۇمىس ىستەيدى.
قايرات ءابىلدا,
«ەگەمەن قازاقستان»
قاراعاندى