قازاقستان رەسپۋبليكاسى تۇڭعىش پرەزيدەنتىنىڭ كۇنى قارساڭىندا مەملەكەتتىك ىستەر جانە سىبايلاس جەمقورلىققا قارسى ءىس-قيمىل اگەنتتىگىنىڭ الماتى وبلىسى بويىنشا دەپارتامەنتىنىڭ قولداۋىمەن سۇلەيمەن دەميرەل ۋنيۆەرسيتەتىندە «Sanaly Urpaq» جوبالىق كەڭسەسى اشىلدى.
سالتاناتتى ءىس-شارادا دەپارتامەنت باسشىسى سەرىكباي نۇرعيساەۆ, سدۋ پرەزيدەنتى مەيىربەك ماجيتوۆ, قاراساي اۋدانىنىڭ اكىمى جانداربەك دالاباەۆ جانە الماتى وبلىسىنا قاراستى كوللەدجدەر مەن مەكتەپ ديرەكتورلارى باس قوستى.
ءىس-شارا باراسىندا ۆەدومستۆو مەن ۋنيۆەرسيتەت اراسىندا مەموراندۋمعا قول قويىلىپ, ەكىجاقتى سەرىكتەستىك ارقىلى سىبايلاس جەمقورلىقتىڭ الدىن الۋ بويىنشا ورتاق ءادىس-تاسىلدەر مەن قوعامدا جەمقورلىققا قارسى مادەنيەتتى قالىپتاستىرۋ بويىنشا كەلىسىمدەر جاسالدى. جوبالىق كەڭسەنىڭ اشىلۋى ەرەكشە فورماتتا - «Sana Talks» ينتەراكتيۆتى پىكىر الماسۋ الاڭىن ۇيىمداستىرۋ ارقىلى وتكىزىلدى. «Sana Talks» قاتىسۋشىلارى ءوز كوزقاراستارىن ءبىلدىرىپ, قوعامدىق دەرتكە اينالعان جەمقورلىق ماسەلەسىنىڭ الدىن الۋعا باعىتتالعان ۇسىنىستارىن ءبىلدىردى.
«بالا تاربيەسى مەكتەپ پەن ۋنيۆەرسيتەت قابىرعاسىندا قالىپتاسادى. بولاشاق تۇلعانىڭ دۇنيەتانىمىن, ومىرگە دەگەن كوزقاراسىن, قوعاممەن قارىم-قاتىناسىن ۇيدەگى اتا-انا مەن ءبىلىم وشاعىنداعى ۇستازدارى قالىپتاستىرادى. سوندىقتان جاستاردى تاربيەلەۋ جۇمىسىنا قاتىسۋىمىز قاجەت. ءابىر وقۋ ورنى ءۇشىن ساپالى ءبىلىم ءبىرىنشى كەزەكتە تۇرۋى شارت. مىندەتىمىز - قوعامدىق دەرتكە اينالعان سىبايلاس جەمقورلىققا قارسى الدىن الاۋ شارالارىن جۇرگىزۋ, ورتاق ءادىس-تاسىلدەردى ەنگىزىپ, جاستارمەن جان-جاقتى جۇمىس جاساۋ. «جۇمىلا كوتەرگەن جۇك جەڭىل» دەمەكشى وسى باعىتتا جان-جاقتى جۇمىس اتقاراتىنىمىزعا سەنىمدىمىن, - دەپ اتاپ ءوتتى سدۋ پرەزيدەنتى مەيىربەك ماجيتوۆ.
ەلۆيرا سەرىكقىزى,
«ەگەمەن قازاقستان»
الماتى