قارۋلى كۇشتەرىمىزدە قالىپتاسقان داستۇرگە سايكەس اسكەري بولىمدەردەگى جاس تولىسىمداعى ساربازداردىڭ دايىندىعى اتىس قارۋىنان اتىس جاتتىعۋلارىن ورىنداۋمەن اياقتالادى, بۇل قۇبىلىس اسكەريلەردىڭ اراسىندا «كۇكىرت يىسكەتۋ» دەپ تە اتالادى. «باتىس» وڭىرلىك قولباسشىلىعىنىڭ بارلىق جاس ساربازدارى اتالمىش مەجەدەن تولىق قۇرامدا سۇرىنبەي ءوتتى.
اقتاۋ, بەينەۋ جانە اتىراۋ ەلدى مەكەندەرىندە ورنالاسقان 25744, 99116 جانە 41433 اسكەري بولىمدەرىندەگى جاس تولىسىمداعى ساربازداردىڭ دايارلىعى جالعاسۋدا. وسى جىلدىڭ كۇزىندە شاقىرىلعان ساربازدار تۇڭعىش رەت جاۋىنگەرلىك اتىستارىن وتكىزدى.
وسى تاجىريبەلىك ساباقتىڭ الدىندا, بارلىق جاس ساربازدارمەن اتىس قارۋىنىڭ سيپاتتاماسى, اتىس ەرەكشەلىكتەرى مەن قاۋىپسىزدىك ەرەجەلەرى قاراستىرىلعان تەوريالىق كۋرس وتكىزىلگەن بولاتىن. وسى كۇنى ولار اك-74 اۆتوماتىنان باستاپقى جانە ءبىرىنشى وقۋ-اتىس جاتتىعۋلارىن ورىندادى. 99116 اسكەري ءبولىمى جاس ساربازدار روتاسىنىڭ كومانديرى اعا لەيتەنانت جاندوس مىرزاحمەتتىڭ ايتۋىنشا, العاش رەت وتكىزىلگەن اتىس قورىتىندىسى كۇتپەگەن ناتيجەلەرگە تولى بولدى. ۇزدىك مەرگەندەردىڭ ءبىرى - 100 باللدان 95 بالل جيناعان قاتارداعى جاۋىنگەر يليا شلىكوۆ.
- اۆتوماتتى العاش رەت قولعا العان ادام ءۇشىن بۇل كەرەمەت ناتيجە. ءبىزدىڭ ساربازدار اسكەري دايارلىقتىڭ باستامالارىن جاقسى ۇيرەنىپ, ەندى انت قابىلداۋعا ءازىر. بۇگىنگى كۇنى ولارعا اسكەري بولىمدە بارلىق جاعداي جاسالعان. «باتىس» وڭىرلىك قولباسشىلىعىنىڭ اسكەري بولىمدەرىنە قازاقستاننىڭ بارلىق ايماقتارىنان ساربازدار شاقىرىلدى جانە ءبىز ولاردىڭ ىستەرى مەن سوزدەرىنەن ۇلكەن قىزىعۋشىلىق, ال كوزدەرىنەن ۇشقىندى كورۋدەمىز, دەيدى روتا كومانديرى.
سونىمەن قوسا, بارلاۋ بولىمشەلەرىنىڭ ساربازدارى انت قابىلداۋدىڭ الدىندا جاساندى بەلەستەرگە تولعان, ۇزاق اراقاشىقتىقتان تۇراتىن «بارلاۋشىلار سوقپاعىن» ءوتتى. تاكتيكالىق الاڭدا جەكە قۇرامنىڭ جەڭىل بروندىك تەحنيكاعا قارسى تۇرۋ قابىلەتتىلىگى مەن پسيحولوگيالىق توزىمدىلىكتى تەكسەرەتىن جاتتىعۋ قابىلداندى. اسكەريلەر بۇل ءنورماتيۆتى «تانكپەن باسىپ ءوتۋ» دەپ تە اتايدى. بۇل رەتتە, ساربازدار جەرتاساعا كەزەكپەن ورنالىسىپ, بروندىك تەحنيكادان جاسىرىنۋى, كەيىن ۇستەرىنەن وتكەن تەحنيكاعا گراناتا لاقتىرىپ, جاۋدىڭ تىلىنا شابۋىل جاساۋى ءتيىس.
- الىستان قاراعاندى بۇل وتە اسەرلى جاۋىنگەرلىك ۇرىسقا ۇقسايدى, الايدا بۇل قاراپايىم عانا نورماتيۆ. جەكە قاۋىپسىزدىكتەرى ءۇشىن ساربازدار تانكىگە قارسى وقۋ گراناتالارى مەن بوس پاترونداردى قولدانادى. ءار مۇمكىندىكتەن سوڭ, ساربازعا جەكە باعا قويىلادى, دەيدى جاس ساربازدار روتاسىنىڭ كومانديرى كاپيتان دياس كەنەسبەكوۆ.
جاس ساربازدار اسكەري ءىستى اسكەردەگى ءبىرىنشى كۇنىنەن باستاپ وقي باستايدى. كومانديرلەر مەن تاجىريبەلى نۇسقاۋشىلاردىڭ جەتەكشىلىگىمەن, ولار اسكەري تەحنيكا مەن قارۋ-جاراقتى ماماندىقتارىنا سايكەس وقيدى. جاس ساربازداردىڭ دايارلىق باعدارلاماسىندا قويان-قولتىق ۇرىسىنىڭ باستاپقى ەلەمەنتتەرىن مەڭگەرۋ دە قاراستىرىلعان. وسى اپتادا, 1 جەلتوقسان – قازاقستان رەسپۋبليكاسىنىڭ تۇڭعىش پرەزيدەنتى كۇنى, «باتىس» وڭىرلىك قولباسشىلىعىنىڭ جاس ساربازدارى وزدەرىنىڭ ديسلوكاتسيالانعان ورىندارىندا اسكەري انت قابىلداۋ راسىمىنە كەلتىرىلەدى.
گۇلايىم شىنتەمىرقىزى,
«ەگەمەن قازاقستان»
ماڭعىستاۋ وبلىسى