جۋىردا «قورداي اسۋىن اينالىپ ءوتۋ» ۋچاسكەسىنىڭ 162-260 شاقىرىم ارالىعىنداعى جالپى ۇزاقتىعى 80 شاقىرىمدى قۇرايتىن جاڭا جولدىڭ ەكىنشى جاعى پايدالانۋعا بەرىلدى.
جاڭا باعىتتاعى قورداي اسۋىنىڭ اينالما جولى جامبىل وبلىسىنىڭ قورداي اۋدانىنىڭ اۋماعىمەن بارلىق ەلدى مەكەندەردى اينالىپ وتەدى. بۇگىنگە دەيىن پايدالانىلىپ كەلگەن اۆتوموبيل جولى سارىبۇلاق, بەتقاينار, قورداي, العا ەلدى مەكەندەرى ارقىلى ءوتىپ, جالپى ۇزاقتىعى 100 شاقىرىمدى قۇرايتىن بولسا, جاڭادان ء ى-ب ساناتىندا سالىنعان قورداي اسۋىن اينالىپ ءوتۋ جولى 20 شاقىرىمعا قىسقارتىلىپ, قازىر 80 شاقىرىمدى قۇرادى جانە ەلدى مەكەندەردىڭ ۇستىنەن وتپەيدى. وسىلايشا جول ءجۇرۋ ۋاقىتى دا قىسقارىپ وتىر.
وبلىس اكىمىنىڭ ءبىرىنشى ورىنباسارى بەكبولات ورىنبەكوۆتىڭ ايتۋىنشا, قورداي اسۋىنىڭ ۇزاقتىعى 17 شاقىرىمعا (60%) قىسقاردى. قولدانىستاعى اسۋدىڭ ۇزاقتىعى 27 شاقىرىم بولسا, جاڭا ءى تەحنيكالىق ساناتتاعى جولداعى اسۋدىڭ ۇزاقتىعى – 10 شاقىرىم.
سونىمەن بىرگە بيىل «باتىس ەۋروپا – باتىس قىتاي» حالىقارالىق ترانزيت دالىزىنە قورداي وتكەلىنىڭ اينالما ۋچاسكەسىنىڭ جالعاسى بولىپ تابىلاتىن «وتار-ۇزىناعاش» جوباسىن ىسكە اسىرۋ باستالدى. جوبا 2018-2021 جىلدارى ىسكە اسىرىلادى. جوبا قۇرىلىسىنىڭ ءىى كەزەڭىن «قازاقجولقۇرىلىسى» جشس مەردىگەرلىك ۇيىمى جۇرگىزدى. ءى كەزەكتەگى 40 شاقىرىم جول 2015-2017 جىلدار ارالىعىندا رەسپۋبليكالىق بيۋدجەتتەن بولىنگەن 8,527 ملرد تەڭگەگە سالىندى. تاپسىرىس بەرۋشى – «جامبىلجولزەرتحاناسى» رمم. ال ءىى كەزەكتەگى 40 شاقىرىم 2017-2018 جىلدارى رەسپۋبليكالىق بيۋدجەتتەن بولىنگەن 9,240 ملرد تەڭگەگە جۇرگىزىلدى. تاپسىرىس بەرۋشى – «قازاۆتوجول» ۇك» اق جامبىل وبلىستىق فيليالى. بۇل جوباعا 400-دەن استام جۇمىسشى جانە 200 جول-قۇرىلىس تەحنيكالارى جۇمىلدىرىلدى. جوبادا 2 شاعىن جپب, 1 جول-پاترۋل قىزمەت بەكەتى, 1 اۋىلشارۋاشىلىق تەحنيكا وتكەلى قاراستىرىلعان.
سالتاناتتى شارا بارىسىندا وبلىس اكىمىنىڭ ءبىرىنشى ورىنباسارى ب.ورىنبەكوۆ قايتا قۇرۋ جوباسىنا اتسالىسقاندارعا العىسىن ءبىلدىردى. شارا اياسىندا مەرەكەلىك كونتسەرت ۇيىمداستىرىلدى.
دۋمان اناش,
«ەگەمەن قازاقستان»