جاقىندا پارلامەنت سەناتىنىڭ الەۋمەتتىك-مادەني دامۋ كوميتەتىندە «دەنە شىنىقتىرۋ جانە سپورت تۋرالى» قازاقستان رەسپۋبليكاسىنىڭ زاڭىن جۇزەگە اسىرۋ جانە ەلىمىزدەگى سپورت سالاسىن ودان ءارى دامىتۋ ماسەلەسىنە ارنالعان جيىندا سپورت جانە دەنە شىنىقتىرۋ ىستەرى اگەنتتىگىنىڭ توراعاسى تالعات ەرمەگياەۆ 2020 جىلعا دەيىن سالىناتىن سپورت نىساندارى تۋرالى حابارلادى.
ونىڭ ايتۋىنشا, 2020 جىلعا دەيىن ەلىمىزدە 196 ملرد. تەڭگەگە 924 سپورت نىسانى سالىنۋى كەرەك. بۇگىندە ەلىمىزدە دەنە شىنىقتىرۋ جانە سپورتقا دەگەن قاجەتتىلىك 324 بىرلىكتى قۇرايدى.
جاقىندا پارلامەنت سەناتىنىڭ الەۋمەتتىك-مادەني دامۋ كوميتەتىندە «دەنە شىنىقتىرۋ جانە سپورت تۋرالى» قازاقستان رەسپۋبليكاسىنىڭ زاڭىن جۇزەگە اسىرۋ جانە ەلىمىزدەگى سپورت سالاسىن ودان ءارى دامىتۋ ماسەلەسىنە ارنالعان جيىندا سپورت جانە دەنە شىنىقتىرۋ ىستەرى اگەنتتىگىنىڭ توراعاسى تالعات ەرمەگياەۆ 2020 جىلعا دەيىن سالىناتىن سپورت نىساندارى تۋرالى حابارلادى.
ونىڭ ايتۋىنشا, 2020 جىلعا دەيىن ەلىمىزدە 196 ملرد. تەڭگەگە 924 سپورت نىسانى سالىنۋى كەرەك. بۇگىندە ەلىمىزدە دەنە شىنىقتىرۋ جانە سپورتقا دەگەن قاجەتتىلىك 324 بىرلىكتى قۇرايدى. ولاردى سالۋ ءۇشىن ارقايسىسىنا ورتاشا ەسەپپەن العاندا 290 ملن. تەڭگە قاجەت. ال جاڭاعى 324 كەشەنگە 94 ملرد. تەڭگە كەرەك. «قازىرگى كەزدە اۋدان ورتالىقتارى مەن ەلدى مەكەندەرگە 600 دەنە شىنىقتىرۋ جانە سپورت كەشەندەرى كەرەك, – دەدى ول. – سولاردىڭ بىرەۋىنىڭ قۇرىلىسىنا ورتاشا ەسەپپەن العاندا 170 ملن. تەڭگە جۇمسالادى دەسەك, بارلىق كەشەندى سالۋعا 102 ملرد. قاجەت بولادى».
سونىمەن بىرگە, ت.ەرمەگياەۆ وسى كۇندەرى جۇمىس ىستەپ تۇرعان سپورت نىساندارىنىڭ حالىقتىڭ قاجەتتىلىكتەرىن تولىق اقتاي الماي جاتقانىن جاسىرمادى. ياعني, سپورت نىساندارىنىڭ ىشىندە حالىققا قولجەتىمدى ەمەستەرى بار. وسى ماسەلەنى شەشۋ ءۇشىن ول سپورت كەشەندەرىن قازىرگى زامانعى قۇرال-جابدىقتارمەن قامتاماسىز ەتىپ, بالالار مەن جاسوسپىرىمدەردىڭ مەكتەپتەگى ساباقتان سوڭ, ەمىن-ەركىن كەلۋلەرى ءۇشىن اشىق ەسىك جاعدايىندا جاساۋ كەرەك دەگەن پىكىرىن ءبىلدىردى.