ەلباسى نۇرسۇلتان نازارباەۆتىڭ « ۇلى دالانىڭ جەتى قىرى» ماقالاسى الەمنىڭ 9 تىلىنە اۋدارىلدى. بۇل تۋرالى استانادا وتكەن Nur Otan Talks الاڭى بارىسىندا حالىقارالىق تۇركى اكادەمياسىنىڭ پرەزيدەنتى دارحان قىدىرالى مالىمدەدى.
«ماقالانى اۋدارۋمەن اينالىسىپ جاتقانداردىڭ ءبارى – وزبەك, تۇرىك, قىرعىز, ازەربايجان, موڭعول, ماجار, كورەي, جاپون ەلدەرىنىڭ وكىلدەرى وزدەرى باستاماشى بولىپ, وزدەرى اۋدارىپ وتىر. مۇنداي قۇبىلىس وتە سيرەك. سەبەبى ءبىر ەلدىڭ ازاماتى وزگە مەملەكەتتىڭ پرەزيدەنتتى باستاماسىن وقىپ, ونى اۋدارىپ, ناسيحاتتاۋى ءجيى كەزدەسپەيدى. سوندىقتان ەلباسىنىڭ بۇل ماقالاسىنا قازاقستاندا عانا ەمەس, جالپى تۇركى الەمى, ۇلى دالادان تامىر تارتقان ەلدەر قىزىعۋشىلىق تانىتىپ وتىر», دەدى د.قىدىرالى.
تۇركى اكادەمياسى باسشىسىنىڭ ايتۋىنشا, ماقالاعا ۇلى دالادان تامىر تارتقان ەلدەر عانا ەمەس, الەمنىڭ باسقا مەملەكەتتەرى دە قىزىعۋشىلىق تانىتىپ وتىر. سونداي-اق ماقالانى ءتارجىمالاۋ 9 تىلمەن شەكتەلىپ قالماق ەمەس. ونى اۋدارى ءالى دە جالعاسا بەرەدى.
جيىن بارىسىندا د.قىدىرالى ەلباسى نۇرسۇلتان نازارباەۆتىڭ « ۇلى دالانىڭ جەتى قىرى» ماقالاسىنىڭ 9 تىلگە اۋدارىلىپ باسىلعان نۇسقاسىن Nur Otan Talks الاڭىن ۇيىمداستىرۋشىلارعا سىيعا تارتتى.