25 قاراشادا ءابۋ-دابيدە پرەمەر-ءمينيستردىڭ ءبىرىنشى ورىنباسارى اسقار ءماميننىڭ پرەمەر-ءمينيستردىڭ ورىنباسارى, ءباا پرەزيدەنتىنىڭ ىستەرى جونىندەگى مينيستر شەيح ماسۋر بەن زايد ءال ناحايانمەن كەلىسسوزدەرى ءوتتى.
بۇل ساپار ءابۋ-ءدابيدىڭ مۇراگەر حانزاداسى, ءباا جوعارعى باس قورعانىس كۇشتەرىنىڭ ورىنباسارى شەيح مۇحاممەد بەن زايد ءال ناحاياننىڭ استاناعا ساپارى جانە ونىڭ قازاقستان پرەزيدەنتى نۇرسۇلتان ءابىش ۇلى نازارباەۆپەن ا.ج. 4 شىلدەسىندە جاساعان كەلىسسوزدەرى اياسىندا قول جەتكىزىلگەن كەلىسىمدەردىڭ ورىندالۋى اياسىندا ءوتتى.
كەلىسسوزدەردىڭ باستى تاقىرىبى ەكونوميكانىڭ ءتۇرلى سالالارىندا ينۆەستيتسيالىق ىنتىماقتاستىق ماسەلەلەرىنىڭ اۋقىمىن قامتۋ بولدى. ەنەرگەتيكا سالاسىنداعى ىنتىماقتاستىقتىڭ زور الەۋەتى اتالىپ ءوتتى.
Borealis (Mubadala) كومپانياسىمەن بىرلەسىپ ىسكە اسىرىلىپ جاتقان پوليەتيلەن ءوندىرۋ جوباسى بويىنشا بىرلەسكەن جوبالىق كومپانيا قۇرىلعان, تەن ازىرلەۋ جۇرگىزىلىپ جاتىر. جوبانى شيكىزاتپەن قامتاماسىز ەتۋ ماسەلەسى تولىق شەشىلگەن. جوبانىڭ شامالانعان قۋاتتىلىعى 1250 مىڭ توننا پوليەتيلەن, قۇنى $6,5 ملرد.
سونىمەن قاتار اراب تاراپى قۇرىلىس اتىراۋ وبلىسىندا جۇرگىزىلىپ جاتقان پوليپروپيلەن ءوندىرىسى بويىنشا جوباعا كىرۋگە قىزىعۋشىلىعىن ناقتىلادى. جوبانىڭ شامالانعان قۋاتتىلىعى 500 مىڭ توننا پوليپروپيلەن, قۇنى $2,6 ملرد.
تاراپتار سونىمەن قاتار ەنەرگەتيكا سالاسىنداعى بىرقاتار پەرسپەكتيۆالى بىرلەسكەن جوبالاردى تالقىلادى.
تاراپتار «بايقوڭىر» عارىش ايلاعى بازاسىندا اەروعارىش سالاسىنداعى ىنتىماقتاستىقتىڭ جوعارى الەۋەتىن اتاپ ءوتتى, №1 «گاگارينسكي ستارت» ستارتتىق كەشەنىن جاڭعىرتۋ بويىنشا ينۆەستيتسيالىق جوبا مەن «سويۋز-2» ءتيپتى زىمىران-تاسىعىشتارداعى عارىش اپپاراتتارىن جىبەرۋ تالقىلاندى. تۇراقتى كونسۋلتاتسيالار وتكىزەتىن ءۇش جاقتى جۇمىس توبى قۇرىلدى (قر, ءباا, رف). عارىش اپپاراتتارىن ۇشىرۋ بويىنشا قىزمەتتەر نارىعىن باعالاۋ اياقتالدى. جوبا بويىنشا شەشىم 2019 جىلدىڭ ءبىرىنشى توقسانىندا قابىلدانادى.
كولىك-لوگيستيكالىق سالادا ىنتىماقتاستىق دامىپ كەلەدى. قازاقستاندا Mubadala ء(باا) ينۆەستيتسيالىق قورىمەن بىرگە «قورعاس-شىعىس قاقپاسى» ەركىن ەكونوميكالىق ايماعىنىڭ اۋماعىندا زاماناۋي ا-كلاسستىق قويما عيماراتىن سالۋ جوباسى جالعاسۋدا. ارقايسىسى 14 000 م2 بولاتىن ەكى قويما 2019 جىلدىڭ قاڭتارىندا قولدانىسقا بەرىلەدى دەپ جوسپارلانىپ وتىر.
ءباا تەمىرجول جۇيەسىن دامىتۋدىڭ بىرلەسكەن جوبالارى تالقىلاندى. تەمىر جول ينفراقۇرىلىمىنىڭ دامۋ نىساندارىنىڭ ۇزىندىعى 604 كم قۇرايدى. قازاقستاندىق كومپانيالار تەندەرلىك راسىمدەرگە بەلسەنە قاتىسادى جانە جوبانى جۇزەگە اسىرۋ الدىنداعى بىلىكتىلىگىن راستادى. جوبانىڭ ءبىرىنشى كەزەڭىنە قاتىسۋ تۋرالى شەشىم 2019 جىلدىڭ I توقسانىندا قابىلدانادى.
سونىمەن قاتار, ەكونوميكانىڭ باسقا سالالارىنداعى ىنتىماقتاستىق جوبالارى دا تالقىلاندى.