ءۇندىستاننىڭ استاناسى – نيۋ-دەليدە وتكەن بوكستان ايەلدەر اراسىنداعى الەم چەمپيوناتىنىڭ جالپى كوماندالىق ەسەبىندە قىتاي قۇراماسى قارسىلاس شىداتپادى.
اسپان استى ەلىنىڭ ارۋلارى 4 التىن مەن 1 كۇمىس مەدالدى ولجالادى. ەكىنشى ورىندا – تايپەي قۇراماسى. ولار ەكى باس جۇلدەنى ەنشىلەدى ءۇندىستاننىڭ وكىلدەرى 1 التىن, 1 كۇمىس جانە 2 قولانى قورجىنعا سالىپ, ۇزدىك ۇشتىكتى قورىتىندىلادى. ودان كەيىنگى ورىنداردا سولتۇستىك كورەيا (1 التىن, 2 قولا), گەرمانيا (1 التىن, 1 قولا), يرلانديا (1 التىن), ۋكراينا (2 كۇمىس), تۇركيا (1 كۇمىس, 2 قولا) جانە گوللانديا مەن قازاقستاننىڭ (1 كۇمىس, 1 قولا) بوكسشىلارى. مىنە, وسى جارىستاعى وزىق 10 كوماندا وسىلار.
ەستەرىڭىزگە سالا كەتەيىك, نيۋ-دەليدە ونەر كورسەتكەن قازاقستاننىڭ بىلعارى قولعاپ شەبەرلەرى اراسىنان جاينا شەكەربەكوۆا (51 كيلو) كۇمىس السا, كارينا يبراگيموۆا (60 كيلو) قولاعا قول سوزدى.
عالىم سۇلەيمەن,
«ەگەمەن قازاقستان»